اقتوبە اۋرۋحانالارىندا لاڭكەستىك ارەكەتتەردەن زارداپ شەككەن 7 ادام ەمدەلۋىن جالعاستىرۋدا

اقتوبە وبلىستىق دەنساۋلىق ساقتاۋ باسقارماسى مەديتسينالىق ۇيىمدارىنىڭ مالىمەتىنشە، 05.06.2016 - 14.06.2016 ج. ارالىعىندا اقتوبە قالاسى ستاتسيونارلارىنا بارلىعى 40 ادام جەتكىزىلدى، ونىڭ ىشىندە 4 ادام وبلىستىق اۋرۋحاناعا، 34 ادام جەدەل مەديتسينالىق كومەك اۋرۋحاناسىنا (1 ناۋقاس 11.06.2016 ج. ساع. 13:50-دە ج م ك ا تراۆموتولوگيالىق پۋنكتىنە ءوزى جۇگىندى، وعان امبۋلاتورلىق ەم تاعايىندالدى)، 2 ادام تەمىرجول اۋرۋحاناسىنا جىبەرىلدى.

اتالعان ۋاقىت ارالىعىندا ستاتسيونارلاردىڭ اۋرۋلاردى قابىلداۋ بولمەسى دەڭگەيىندە 17 ناۋقاستى امبۋلاتورلىق ەمدەۋ بويىنشا ۇسىنىمدار بەرىلدى.

بارلىعى زارداپ شەككەن 23 ناۋقاس اۋرۋحاناعا جاتقىزىلدى، ونىڭ ىشىندە 3 ادام ستاتسيوناردا قايتىس بولىپ، 13 ناۋقاس اۋرۋحانادان شىعارىلدى (ونىڭ ءبىرى سىرىم سۇندەتوۆ 10 -ماۋسىم كۇنى ساع: 22:40-تا سانيتارلىق اۆياتسيا كومەگىمەن نەيروحيرۋرگيا ۇلتتىق ورتالىعىنا (استانا ق. ) جەتكىزىلىپ، ەم قابىلداۋدى ءارى قاراي جالعاستىرۋدا).

استانا ۋاقىتىمەن 15:30 دەگى مالىمەتتەرگە ساي اقتوبە قالاسىنىڭ ستاتسيونارلارىندا 7 ادام ەم قابىلداۋدا، ولاردىڭ جاعدايى ورتا دەڭگەيدەگى اۋىر دەپ باعالانىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى