استانادا 7- مامىردا بۇقارالىق ۆەلوشەرۋ وتەدى
شەرۋ ساعات 9:00 دە «سالتانات سارايى» اۋماعىنان باستالىپ، قابانباي باتىر داڭعىلىنىڭ بويىمەن «استانا-ارەنا» الاڭىنا دەيىن جالعاسادى جانە «سارى ارقا» رەسپۋبليكالىق ۆەلوترەگى اۋماعىندا مارەسىنە جەتەدى.
شارا بارىسىندا ۆەلوپروكات پۋنكتتەرى ۇيىمداستىرىلىپ، ادامدار «استانا Bike» ۆەلوسيپەدىن پايدالانا الادى، ەڭ جاقىن ءۇش ستانتسيا تولىق جاساقتالماق. قاتىسۋشىلاردى تىركەۋ ساعات 8:00 دە باستالادى.
شاراعا بەلگىلى قازاقستاندىق سپورتشىلار دا قاتىسپاق. ۆەلوسپورتشىلار بولسا، استانالىقتاردى شاراعا قاتىسۋعا شاقىرادى:
«قۇرمەتتى دوستار، 7- مامىر كۇنى ۇلى وتان سوعىسىنداعى جەڭىس كۇنىنە وراي وتكىزىلەتىن ۆەلوشەرۋگە قاتىسۋعا شاقىرامىن. ماۋسىمنىڭ اشىلۋىن اتاپ ءوتىپ، ارداگەرلەرگە تاعزىم ەتەيىك. قاتىسۋشىلار 7- مامىردا ساعات 9:00 «سالتانات سارايىنىڭ» جانىنا جينالادى»، - دەدى Astana Pro Team ۆەلوكومانداسىنىڭ باس مەنەدجەرى الەكساندر ۆينوكۋروۆ. ايتا كەتەيىك، Astana Pro Team ۆەلوكومانداسى 6- مامىردا «دجيرو د'يتاليا» ماۋسىمنىڭ ءبىرىنشى گران تۋرىنا قاتىسادى.
«ەلىمىزدە ۆەلوسپورتتىڭ جىل وتكەن سايىن كەڭىنەن تانىمال بولا تۇسەتىنى قۋانتارلىق جايت. وسىنداي بۇقارالىق ۆەلوشەرۋلەر سونىڭ دالەلى. استانالىقتاردى 7- مامىردا وتەتىن جەڭىس كۇنىنە ارنالعان ۆەلوشەرۋگە قاتىسۋعا شاقىرامىن»، - دەدى Astana Pro Team كاسىپقوي سپورتشىسى، قازاقستان قۇراماسىنىڭ كوشباسشىسى الەكسەي لۋتسەنكو، ول ريو-دە-جانەيرودا وتەتىن وليمپيادا ويىندارىنا دايىندىق ۇستىندە.
اتالعان شارا ادامداردى سپورت پەن سالاۋاتتى ءومىر سالتىن بەلسەندى ۇستانۋعا تارتۋعا، ەكولوگيالىق تازا كولىك رەتىندە ۆەلوسيپەدتى جانە جول قاۋىپسىزدىگىن ناسيحاتتاۋعا، ۇلى وتان سوعىسىنىڭ ارداگەرلەرىنە تاعزىم ەتۋگە، سونداي-اق ۆەلوسپورت ماۋسىمىنىڭ اشىلۋىنا باعىتتالماق. شارانى ۇيىمداستىرۋشىلار - قازاقستان ۆەلوسپورت فەدەراتسياسى جانە استانا قالاسىنىڭ اكىمدىگى.
