يران مەن قازاقستان اراسىندا 7 ەكسپورتتىق كەلىسىم-شارتقا قول قويىلدى - فوتو
بۇل تۋرالى ق ر ينۆەستيتسيالار جانە دامۋ مينيسترلىگىنىڭ باسپا ءسوز حاتشىسى قايسار جۇماباي ۇلى فەيسبۋكتەگى پاراقشاسىندا جاريالادى.
يران يسلام رەسپۋبليكاسىنا ق ر ينۆەستيتسيالار جانە دامۋ ءمينيسترى اسەت يسەكەشەۆ باستاعان قازاقستاندىق دەلەگاتسيا ساپارمەن بارعان بولاتىن.
كەشە تەگەراندا ەكى ەلدىڭ ساۋدا-ەكونوميكالىق جانە ىنتىماقتاستىعىن دامىتۋ جونىندەگى جول كارتاسى اياسىندا 7 ەكسپورتتىق كەلىسىم-شارتقا قول قويىلدى. ونىڭ ۇشەۋى ق ر ي د م «KAZNEXINVEST» ۇلتتىق اگەنتتىگىنىڭ كومەگىمەن قول جەتكىزىلگەن كەلىسىمدەر.
1. قازاقستاندىق كومپانيا «توپان» ج ش س- مەن يراندىق «ەلەكترو كاۆير» كومپانياسى اراسىنداعى كەلىسىم قازاقستاندا جاسالعان كومىرسۋتەكتەردى تەحنولوگيالىق جانە كوممەرتسيالىق ەسەپتەۋدىڭ جۇيەسىن جەتكىزۋدى ىسكە اسىرۋدى كوزدەيدى. جوبا قۇنى - 70 ميلليون ا ق ش دوللارى.
«توپان» ج ش س- مەن ق ر ي د م «KAZNEXINVEST» ا ق- ى بىلتىردان باستاپ جۇمىس ىستەي باستادى. 2015-جىلى قازاندا كومپانيا ەكسپورتتى ىلگەرلەتۋ جونىندەگى مەملەكەتتىك قولداۋ شارالارىن پايدالاندى جانە يرانداعى جارنامالىق- تانىستىرىلىمدىق ءىس-شاراعا قاتىستى. سول جولعى ساپار بارىسىندا كومپانيا مۇناي-گاز قۇرىلعىسىنىڭ سىناق نۇسقاسىن جەتكىزۋ جونىندەگى شەشىم قابىلدادى. 2016-جىلى اقپاندا مينيستر اسەت يسەكەشەۆ ساپارى اياسىندا قازاقستان-يران بيزنەس فورۋمىنا قاتىستى.
سونىمەن قاتار، قازاقستاندىق «تورگوۆىي دوم «الز باتت» ج ش س مەن يراندىق «K.T. SteelComplex ManufacturingImport» كومپانياسى اراسىندا 150 مىڭ توننا تەمىر ءونىمى مەن 100 مىڭ توننا فاسوندى جايما، جالپى قۇنى 71 ميلليون ا ق ش دوللارى بولاتىن ءونىم جەتكىزۋ تۋرالى كەلىسىم جاسالدى.
2. 2014 -جىلى «KAZNEXINVEST» ا ق جانە «اقتاۋ تەمىر قۇيۋ زاۋىتى» ج ش س زاۋىت ونىمدەرىن ەكسپورتقا شىعارۋ تۋرالى بىرلەسكەن جوسپار جاساعان بولاتىن. سول جوسپار اياسىنداعى ءبىرىنشى شارا كومپانيانىڭ رەسەيدە وتكەن «مەتالل ەكسپو-2014» حالىقارالىق وندىرىستىك كورمەسىنە قاتىسۋى بولدى. وسىدان كەيىن كومپانيا ءوز ونىمدەرىن «تۋركمەنسكوە سترويتەلستۆو-2015» كورمەسىندە ۇسىنىپ، وندا 6 ميلليون ا ق ش دوللارى كولەمىندەگى ەكسپورتتىق كەلىسىم-شارتقا قول جەتكىزدى. تاۋار بەلگىسىن ىلگەرىلەتۋ سىندى مەملەكەتتىك قولداۋدىڭ ارقاسىندا كومپانيا 2014-جىلى يراندىق كومپانيامەن 77 ميلليون ا ق ش دوللارى كولەمىندە ەكسپورتتىق كەلىسىم-شارتقا قول قويدى.
3. قازاقستاندىق «Alageumgroup» ج ش س مەن يراندىق «Niroo Nransfo Co.» كومپانياسى اراسىندا يرانعا ترانسفورماتورلار مەن ترانسفورماتور مايلارىن جەتكىزۋ تۋرالى كەلىسىم-شارت جاسالدى.
«Alageumgroup» ج ش س- عا ق ر ي د م «KAZNEX INVEST» اق تاراپىنان جاسالعان مەملەكەتتىك قولداۋ ارقاسىندا كومپانيا ءار جىلدارى تۇرىكمەنستان، تاجىكستان، گرۋزيا، ازەربايجان، رەسەي، پولشا، قىرعىزستان، ۋكراينا، وزبەكستان، بەلارۋس، ارمەنيا ەلدەرىندە وتكەن ساۋدا ميسسيالارى مەن ماسكەۋ، اشحاباد، تاشكەنت قالالارىندا وتكەن حالىقارالىق ءىرى كورمەلەرگە قاتىستى.
