قىزىلوردادا 7 مىڭنان استام ءيتتىڭ كوزى جويىلدى
ءبىر جىل ىشىندە 7283 ءيت، 4048 مىسىق اۋلانىپ، جويىلعان.
وسى جۇمىستارعا بىلتىرعى جىلى ,718 ميلليون تەڭگە ءبولىنىپ، تولىق يگەرىلدى. بۇل تۋرالى بۇگىن وبلىستىق كوممۋنيكاتسيا ورتالىعىندا قالالىق ۆەتەريناريا جانە ۆەتەريناريالىق باقىلاۋ ءبولىمىنىڭ باسشىسى نۇرلان احمەتوۆ ايتتى.
- اۋلانعان ءيت-مىسىقتار 2014 -جىلى الىنعان سىيىمدىلىعى 1 توننالىق ينسينەراتور پەشىندە ورتەلۋدە، - دەدى ن. احمەتوۆ.
سونداي-اق، ءبولىمنىڭ مىندەتتەرىنىڭ ءبىرى ازىق-تۇلىك قاۋىپسىزدىگىن قامتاماسىز ەتۋ بولىپ تابىلادى. قالادا ىشكى ساۋداعا كەلىپ تۇسكەن ەت ونىمدەرىنىڭ بارلىعى مال سويۋ الاڭدارىندا سويىلعان جانە ۆەتەريناريالىق انىقتامالارمەن تاسىمالدانادى. ىشكى ساۋدا نىساندارىنداعى ساتىلاتىن مال تەگى ونىمدەرى مىندەتتى تۇردە ۆەتەريناريالىق انىقتامامەن قابىلدانادى جانە ۆەتەريناريالىق ساراپتاما اكتىسى نەگىزىندە ساتىلۋدا. وسى ورايدا ۆەتەريناريالىق سانيتارلىق ساراپتاما جۇرگىزەتىن زەرتحانالاردىڭ بارلىعى ءۇي-جايمەن قامتاماسىز ەتىلگەن. سوندىقتان ساپالى جۇمىس اتقارۋىنا ءبولىم ماماندارى تاراپىنان كۇندەلىكتى باقىلاۋ جۇرگىزىلىپ وتىرادى.
