الەمدەگى ەڭ جومارت 7 ادام - فوتو

وسىدان بولەك ءبىز الەمدە بولاشاقتىڭ جارقىن بولۋى ءۇشىن ينۆەستيسيا سالاتىن فيلانتروپتاردىڭ بار ەكەنىن ءبىلىمىز بە؟

امەريكالىق قايىرىمدىلىق جاساۋشىلاردىڭ ءبىرى ەندريۋ كارنەگي بىلاي دەگەن ەكەن: «بىردە ءبىر ادام باسقالاردىڭ يگىلىگى ءۇشىن قايىرىمدىلىق جاساماي باي بولا المايدى. ەگەر ادام باي بولىپ ومىردەن وتەتىن بولسا، ۇيات بولادى»

وسى ءسوزدى ونداعان ميللياردەرلەر ەسىندە ساقتاي ءجۇرىپ، ءوز قارجىلارىن ءتۇرلى قايىرىمدىلىق ىستەرىنە جۇمسايدى. Wealth-X جەكە ساراپتاما فيرماسى الەمدىك مەتساناتتاردىڭ وسى كۇنگە دەيىن جاساعان قايىرىمدىلىقارى بويىنشا «جومارتتىق يندەكسىن» انىقتادى.

سونىمەن قايىرىمدىلىق جاساۋ قولىنان كەلگەن الەمدەگى ەڭ جومارت 7 ادامنىڭ ءتىزىمى تومەندە:

مارك سۋكەربەرگ

قايىرىمدىلىق ءۇشىن جۇمسالعان قارجى: 45 ميلليارد دوللار

جەكە كاپيتالى: 40,3 ميلليارد دوللاروۆ

جومارتتىق يندەكسى: %111

Facebook-تىڭ نەگىزىن قالاۋشى، ءارى باس ديرەكتورى مارك سۋكەربەرگ الەمنىڭ ەڭ باي ادامدارى تىزىمىندە جەتىنشى ورىندا. جارى پريستسيللا چان ەكەۋى Facebook-كە تيەسىلى %99 اكسياسىن قايىرىمدىلىققا جۇمساۋعا نيەتتى ەكەنىن مالىمدەگەن بولاتىن.

قازىرگى ۋاقىتتا اكتسيا پاكەتىنىڭ قۇنى 45 ميلليارد دوللاردى قۇرادى. اتالعان قارجى ا ق ش- تا ءىرى قايىرىمدىلىق قورىن اشۋعا جەتەدى. الايدا الەۋمەتتىك جەلىنىڭ نەگىزىن سالۋشى جىل سايىن قارجىنىڭ 1 ميلليارد دوللارىن قايىرىمدىلىق ىستەرىنە جۇمساۋدى جوسپارلاپ وتىر. ول مۇنداي شەشىمدى ماكس اتتى قىزى دۇنيەگە كەلگەن سوڭ قابىلدادى.

تانىمال جەلىنى قۇرعان مارك العاش رەت فيلانتروپيامەن اينالىسىپ وتىرعان جوق. ول سوڭعى جىلدارى ءبىلىم جانە دەنساۋلىق ساقتاۋ جوبالارىنا دا ارناپ قارجى بولگەن. كرەمني القابىنداعى اسا تانىمال ەمەس اۋداندارىنىڭ بىرىندە مەكتەپ جانە سان- فرانسيسكو گوسپيتالىندا تراۆماتولوگيالىق ورتالىق اشتى.

بيلل گەيتس

قايىرىمدىلىق ءۇشىن جۇمسالعان قارجى: 27 ميلليارد دوللار

جەكە كاپيتالى: 84,2 ميلليارد دوللار

جومارتتىق يندەكسى: %32

بيلل گەيتس الدىمەن Microsoft-تىڭ نەگىزىن سالۋشى رەتىندە تانىمال. قازىرگى تاڭدا كوپ ۋاقىتىن قايىرىمدىلىققا بولەدى جانە ايەلى مەليندامەن بىرگە قايىرىمدىلىق قورىن باسقارادى.

بۇل قور الەم بويىنشا ءتۇرلى باعدارلامالار مەن جوبالارعا گرانت بولەدى. كوبىنەسە قارجى اۋىل شارۋاشىلىعىنا، توتەنشە جاعدايلارعا، جاھاندىق كىتاپحانالارعا، قالاداعى كەدەيلىك ماسەلەلەرىن شەشۋگە جانە الەمدىك دەنساۋلىق ساقتاۋ مەن ءبىلىم سالالارىنا بولەنەدى. قور قۇرىلعان ساتتەن باستاپ GAVى، دۇنيەجۇزىلىك دەنساۋلىق ساقتاۋ ۇيىمى، روتاري قورى، دۇنيەجۇزىلىك جقتب- مەن كۇرەس قورى جانە تۋبەركۋلەز بەن يۋنيسەف سياقتى ورتالىق ءۇشىن ميللونداعان اقشا جۇمسادى.

ۋوررەن باففەتت

قايىرىمدىلىق ءۇشىن جۇمسالعان قارجى: 21,5 ميلليارد دوللار

جەكە كاپيتالى: 61 ميلليارد دوللار

جومارتتىق يندەكسى: %35

Berkshire Hathaway حولدينگىنىڭ ديرەكتورلار كەڭەسىنىڭ باسشىسى ۋوررەن باففەتت تەك الەمدەگى ەڭ باي ادامداردىڭ ءبىرى عانا ەمەس، فيلانتروپ تۇلعالاردىڭ ءبىرى.

2006 -جىلى باففەتت ءوز قارجىسىنىڭ 85 پايىزىن بيلل جانە مەليندا گەيتستىڭ قورىنا جانە باسقا دا وتباسىلىق قايىرىمدىلىق قورلارىنا بولەتىنى تۋرالى ۋادە بەرگەن بولاتىن. ال 2011 -جىلى بيلل گەيتسپەن بىرىگىپ اۋقاتتى ادامداردىڭ ءوز قارجىلارىن قايىرىمدىلىققا بولۋگە كومەكتەسەتىن Giving Pledge اتتى فيلانتروپيالىق قور قۇردى.

دجوردج سوروس

قايىرىمدىلىق ءۇشىن جۇمسالعان قارجى: 8 ميلليارد دوللار

جەكە كاپيتالى: 24,4 ميلليارد دوللار

جومارتتىق يندەكسى: %33

دجوردج سوروس بۇرىنعى سوروس قورىنىڭ نەگىزىن قالاۋشى. ءقازىر «اشىق قوعام» ۇكىمەتتىك ەمەس ۇيىمىنىڭ ءتوراعاسى قىزمەتىن اتقارادى. بۇل ۇيىمدى ول 1979 -جىلى قايىرىمدىلىق ۇيىمى رەتىندە اشقان. سوروس قورى ايماقتاردى دامىتۋ ماقساتىندا حالىقارالىق ۇيىمدارعا جانە قوعامدىق جۇمىستارعا، دەنساۋلىق ساقتاۋ، ءبىلىم سالالارىنا قارجى بولەدى.

ازيم پرەمجي

قايىرىمدىلىق ءۇشىن جۇمسالعان قارجى: 8 ميلليارد دوللاروۆ

جەكە كاپيتالى: 15,9 ميلليارد دوللار

جومارتتىق يندەكسى: %50

ازيم پرەمجي، ءۇندىستاندىق Wipro IT- كومپانياسىنىڭ باسشىسى. سونداي- اق ءۇندىستاندىق ءبىلىم بەرۋ جۇيەسى مەن ەمتيحان جۇيەسىن رەتتەۋدى قولعا العان ازيم پرەمجي قورىنىڭ نەگىزىن سالۋشى.

ۇيىم پرەمجيدىڭ تولىق ۇلەسى ارقىلى Wipro ەسەبى ءۇشىن ارەكەت ەتەدى. 18 تىلدەگى كومپيۋتەرلىك وقىتۋدى قامتاماسىز ەتەتىن Computer Aided Learning سياقتى باعدارلامالاردى جانە ارنايى مۇڭلىمدەردى دايىندايتىن ازيم پرەمجي كوممەرتسيالىق ەمەس ۋنيۆەرسيتەتىن ۇنەمى قولداپ وتىرادى.

چارلز فرەنسيس فيني

قايىرىمدىلىق ءۇشىن جۇمسالعان قارجى: 6,3 ميلليارد دوللار

جەكە كاپيتالى: 1,5 ميلليون دوللار

جومارتتىق يندەكسى: %420000

تانىمال «دجەيمس بوند قورى» سياقتى چارلز فرەنسيس فينيدە ءوز ميسسياسى رەتىندە قايىرىمدىلىق جاساۋدى تاڭداپ الدى. ول جەكە كاپيتالى 105 ميلليارد دوللارعا تومەندەگەننىڭ وزىندە قايىرىمدىلىقتى جەتكىلىكتى جاساپ ۇلگەردى.

چارلز فرەنسيس فينيدىڭ Atlantic Philanthropies قورى ءبىلىم- عىلىم، دەنساۋلىق ساقتاۋ سالالارىن جانە اقش، ۆەتنام سياقتى بىرنەشە مەملەكەتتەگى ازاماتتاردىڭ قۇقىعىن قورعاۋ ماسەلەلەرىن قولدايدى.

سۇلەيمان يبن ابدۋل ازيز ال- رادجي

قايىرىمدىلىق ءۇشىن جۇمسالعان قارجى: 5,7 ميلليارد دوللار

جەكە كاپيتالى: 590 ميلليون دوللار

جومارتتىق يندەكسى: %966

سۇلەيمان يبن ابدۋل ازيز ال- رادجي 1957 -جىلى ءوزىنىڭ ءۇش باۋىرىنا بانك اشىپ بەرگەن. كەيىننەن بانكتەر الەمدەگى يسلام بانكتەردىڭ ءبىرى رەتىندە تانىلا باستادى.

كەيىن 2013 -جىلى ول فيلانتروپياعا بەت بۇرىپ، ءوزىنىڭ بارلىق ۇلەسىن Sulaiman bin Abdul Aziz Al Rajhi Endowments Holding Company قايىرىمدىلىق كومپانياسىنا باعىتتادى. كومپانيا بارلىق قاراجاتتى الەۋمەتتىك جۇمىسپەن قامتۋعا، ءبىلىم، دەنساۋلىق ساقتاۋ ۇيىمدارىنا، اراب ءتىلىن ينستيتۋتىنا، ەر- ريادا مەن ساۋد ارابياسىنداعى سۇلەيمان يبن ابدۋل ازيز ال- رادجيگودۋ مەشىتىنە جىنە ساۋد ارابياسى ۇلتتىق گۆاردياسىنىڭ دەنساۋلىق ساقتاۋ دەپارتامەنتى قىزمەتىنە جۇمسايدى.

سايىتقا ازىرلەگەن بەيسەن سۇلتان ۇلى

دەرەككوزى: 7kun.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى