بەس جىلدا 7 مىڭ شاقىرىمنان استام جول قايتا جاڭارتىلادى

 بۇگىن ورتالىق كوممۋنيكاتسيالار قىزمەتىندە وتكەن بريفينگتە ينۆەستيتسيالار جانە دامۋ مينيسترلىگى اۆتوكولىك جولدارى كوميتەتى ءتوراعاسىنىڭ ورىنباسارى امانگەلدى بەكوۆ ءمالىم ەتتى.

«مەملەكەت باسشىسىنىڭ «نۇرلى جول» جولداۋىنداعى تاپسىرمالارعا سايكەس، قازاقستاننىڭ ينفراقۇرىلىمىن دامىتۋ جونىندەگى 2015-2019 -جىلدارعا ارنالعان باعدارلاماسى بەكىتىلگەنى بەلگىلى. اتالعان باعدارلاما اياسىندا 11 اۆتوكولىك جولدارى جوباسىن جۇزەگە اسىرۋ كوزدەلىپ وتىر»، - ا. بەكوۆ.

اتاپ ايتقاندا، «نۇرلى جول» باعدارلاماسى اياسىندا «باتىس ەۋروپا- باتىس قىتاي» جوباسىن اياقتاۋ، «ورتالىق- وڭتۇستىك»، ورتالىق- شىعىس»، «ورتالىق- باتىس»، «الماتى- وسكەمەن»، « قىزىلوردا- جەزقازعان- قاراعاندى»، «استانا- پەتروپاۆل»، «ورال- كامەنكا»، سونداي- اق «استانا قالاسىنىڭ وڭتۇستىك اينالما جولى»، «جەتىباي- جاڭاوزەن» جانە « ءۇشارال- دوستىق» جوبالارى قولعا الىنادى. اتالعان جوبالاردىڭ جالپى قۇنى 2,4 تريلليون تەڭگەنى قۇرايدى.

«وسىنىڭ ارقاسىندا جالپى العاندا 7 مىڭنان استام شاقىرىمدى قايتا جاڭارتۋ جوسپارلانۋدا. وسى ماقساتتارعا ۇلتتىق قوردان 2015-2016 -جىلدارعا 301 ميلليارد تەڭگە بولىنەتىن بولادى»، - دەدى ول.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى