ءوز بالاسىن اۆتوكولىككە ايىرباستاماق بولعان ەرلى-زايىپتى 7 جىلعا باس بوستاندىعىنان ايىرىلدى
«ليۋبوۆ تۇكەنوۆا مەن امانبەك تۇكەنوۆ وزبەكستان تۋمالارى. ولار ق ر ق ك 135-بابىنىڭ 2-تارماعى «كامەلەتتىك جاسقا تولماعان بالانى بوتەن ماقساتتا پايدالانعانى نەمەسە ايىرباستاۋ» بويىنشا توپ بولىپ قىلمىس جاساعاندارى ءۇشىن ايىپتالىپ وتىر.
تەرگەۋ دەرەگى بويىنشا، ەرلى-زايىپتى وتكەن جىلدىڭ ناۋرىزىندا ساتۋ ماقساتىمەن دۇنيەگە بالا اكەلۋدى جوسپارلاعان. «جۇكتىلىك كەزىندە ليۋبوۆ تۇكەنوۆا 2014 -جىلدىڭ ماۋسىمىنان باستاپ جەلتوقسانعا دەيىن www.kazakh.ru فورۋمىندا 2004-2008 -جىلدارى شىققان Toyota Corolla ماركالى اۆتوكولىكتى ءالى تۋىلماعان بالاعا ايىرباستايتىنى جونىندە حات الماسىپ وتىرعان. ول حاتىندا ءوزىنىڭ تەلەفون نومەرىن دە كورسەتكەن»، - دەدى پروكۋرور كريستينا كيم.
ونىڭ ايتۋىنشا، بەلگىسىز ازاماتتان استانا ىشكى ىستەر دەپارتامەنتىنىڭ باسشىسىنا سايتتاردىڭ بىرىندە بەلگىسىز ايەلدىڭ تۋىلماعان بالاسىن ساۋدالاپ جاتقانى جونىندە حات كەلدى. پوليتسيا قىزمەتكەرلەرى وسى ىسكە قاتىسىپ، وزدەرىن بالالارى جوق وتباسى دەپ تانىستىرادى. ولار تۇكەنوۆتاردىڭ وتباسىمەن سويلەستى.
«ەرلى-زايىپتى بالانىڭ ورنىنا 2004-2008 -جىلعى Toyota Corolla اۆتوكولىگىن سۇراعان. ولار قولما-قول اقشادان باس تارتتى. 2015 -جىلدىڭ 27 -قاڭتارىندا ايەل ۇل بالانى دۇنيەگە اكەلدى. 29 -قاڭتاردا ولار جاڭا تۋىلعان ءسابيدى اۆتوكولىككە ايىرباستاۋ ءۇشىن كەزدەسۋگە كەلىپ، اۆتوكولىك قۇجاتتارىن كورگەن ولار بالانى ايىرباستاۋعا كەلىسىم بەردى. تۇكەنوۆا سول جەردە بالاعا ەشقانداي قاتىسى جوق ەكەنى تۋرالى قولحات جازىپ بەردى. وسىدان كەيىن ەرلى- زايىپتى تۇتقىندالدى»، - دەپ حابارلادى پروكۋرور كريستينا كيم سوت وتىرىسى جونىندە تولىقتاي ايتا وتىرىپ.
ايىپتالۋشىلار ءوز قىلمىسىن مويىندادى. ولار وزدەرىنىڭ بۇل ارەكەتىن قارجىلىق قيىندىقتارمەن ءتۇسىندىردى. وسىدان التى جىل بۇرىن استاناعا وزبەكستاننان كەلگەن ولاردىڭ تۇراقتى جۇمىسى بولماعان. ايتا كەتەيىك، تۇكەنوۆتاردىڭ جاڭا تۋىلعان سابيمەن قوسقاندا ءۇش بالاسى بار. توعىز جاستاعى ولاردىڭ تۇڭعىشى بالالار ۇيىندە، ال ءتورت جاستاعى بالاسى وزبەكستاندا اجەسىمەن بىرگە تۇرادى. جاڭا تۋىلعان ارمان ءقازىر استاناداعى بالالار ۇيىندە. ماماندار ونىڭ جاعدايى جاقسى ەكەنىن ايتتى.
ايتا كەتەيىك، سوت وتىرىسى كەزىندە پروكۋرورلار بالانىڭ اناسىن 8 جىلعا، اكەسىن 9 جىلعا باس بوستاندىعىنان ايىرۋدى سۇرادى. ايىپتالۋىشىلار ءوز ىستەرىنە قاتتى وكىنەتىنىن ايتىپ، سوتتا جازانى جەڭىلدەتۋىن سۇرادى.
«مەن ءوز كىنامدى مويىندايمىن. ماعان كەشىرىم جوق. ءوز قاتەلىگىمدى تۇزەتۋ ءۇشىن ماعان كەشىرىم بەرۋىڭىزدى سۇرايمىن. وسىنداي ىسكە نە ءۇشىن بارعانىمدى تۇسىنبەيمىن. مەن ءوز بالامدى قاتەرگە تىگىپ، اۆتوكولىكتى ارسىزدىقپەن قابىلداعانىمدى بىلەمىن. مەن قاتتى وكىنەمىن ءارى بالام وزىمە كەرەك. قازىر اباقتىدان دا، باس بوستاندىعىنان ايىرۋ مەرزىمىنەن دە قورقىپ تۇرعان جوقپىن. بالامنىڭ ورنىن ەشقانداي بايلىق باسا المايدى. مەن وتە قاتتى قاتەلەستىم. مەنىڭ ەكى بالام بار، ءۇشىنشىسىن اسىراي المايمىن با دەپ قورىقتىم. ءبىراق كەيىن ولاي ەمەس ەكەنىن ءتۇسىندىم»، - دەدى ايىپتالۋشى تۇكەنوۆا.
