ماڭعىستاۋ وبلىسىنىڭ مەملەكەتتىك ىستەر جونىندەگى اگەنتتىگى دەپارتامەنتىنىڭ باسشىسى 7 جىلعا باس بوستاندىعىنان ايرىلدى
ەستەرىڭىزگە سالساق، الدىن الا تەرگەۋ ورگاندارى ە. وسپانوۆ ق ر مەملەكەتتىك قىزمەت ىستەرى جونىندەگى اگەنتتىكتىڭ ماڭعىستاۋ وبلىستىق دەپارتامەنتىنىڭ باسشىسى بولا تۇرا، مەملەكەتتىك قىزمەتكە ۇمىتكەرلەردەن تەستىلەۋدەن جاعىمدى ناتيجەگە جەتۋ ءۇشىن بىرنەشە رەت اقشالاي سىيلىقتار العانى ءۇشىن، ال ن. يحسانوۆا مەن ج. كۋرازوۆا تيىسىنشە دەپارتامەنت باسشىسىنىڭ ورىنباسارى جانە پەرسونالدى باسقارۋ ءبولىمىنىڭ باسشىسى لاۋازىمدارىن اتقارا وتىرىپ، پارا الۋعا جانە بەرۋگە دەلدال بولعانى ءۇشىن ايىپتاعان.
اقتاۋ قالالىق سوتىنىڭ ۇكىمىمەن ە. وسپانوۆ ق ك-نىڭ 366-بابىنىڭ 3 - ءبولىمىنىڭ 4-تارماعىمەن كىنالى دەپ تانىلىپ، 7 جىلعا باس بوستاندىعىنان ايىرۋ جازاسى تاعايىندالدى. جازانى تۇزەۋ كولونياسىنىڭ جالپى رەجيمىندە وتەۋ بەلگىلەنىپ، جەكە مۇلكى تاركىلەنىپ، ق ك-نىڭ 41-بابىنىڭ 2 -بولىمىنە ساي /ەسكى رەداكسياداعى/ مەملەكەتتىك ورگانداردا قىزمەت اتقارۋ قۇقىنان 7 /جەتى/ جىلعا ايىرىلدى.
ءبىر ەپيزودى بويىنشا ە. وسپانوۆ كىناسىز دەپ تانىلىپ، ونىڭ كىناسى دالەلدەنبەگەندىكتەن اقتالعان.
ن. يحسانوۆا جانە ج. كۋرازوۆا ق ك-نىڭ 313-بابىنىڭ 1-بولىمىمەن كىنالى دەپ تانىلىپ، ولاردىڭ ءارقايسىسىنا جازا رەتىندە 700 /جەتى ءجۇز/ ايلىق ەسەپتىك كورسەتكىش
مولشەرىندە 1387400 /ءبىر ميلليون ءۇش ءجۇز سەكسەن جەتى مىڭ ءتورت ءجۇز/ تەڭگەدەن ايىپپۇل سالىنىپ، مەملەكەتتىك ورگانداردا قىزمەت اتقارۋ قۇقىنان 1 /ءبىر/ جىلعا ايىرىلدى.
ۇكىم زاڭدى كۇشىنە ەنگەن جوق.
