شىمكەنتتە 7 جاسار بالا ءىنىسىن مىلتىقپەن اتىپ، جاراقاتتاعان
و ق و باس دارىگەردىڭ ورىنباسارى بولات نۇسقابايەۆ ايتقانداي، 5 جاسار بالاعا وتا جاسالدى، ول جاقىن ارادا جانساقتاۋ بولىمىنەن شىعارىلىپ، ءارى قاراي ەمدەلەدى.
«اۋرۋحاناعا تۇسكەندە بالا ەسىنەن تانباعان، الايدا جاعدايى اۋىر بولدى. وتا جاسالىپ، حيرۋرگ وقتى الىپ شىقتى»، - دەدى دارىگەر.
پروكۋراتۋرا قىزمەتكەرلەرىنىڭ مالىمەتىنشە، بالا اعاسىمەن ويناپ جۇرگەندە جاراقاتتانعان. 7 جانە 5 جاسار بالالار ۇيدەن «و س ا» تراۆماتيكالىق قارۋىن تاپقان. اكەلەرى ونى كورپە استىنا جاسىرعان ەكەن.
ەر ادام پروكۋرورلارعا قارۋدى جەلتوقسان ايىندا كوشەدە تاۋىپ العانىن ايتقان. ونىڭ ۇستىنەن قارۋدى زاڭسىز ساقتاۋ فاكتىسى بويىنشا قىلمىستىق ءىس قوزعالدى.
