بىرىككەن اراب امىرلىكتەرى بيزنەسمەندەرىنە قازاقستاننىڭ ينۆەستجوبالارىنا 7 ميلليون دوللار قۇيۋ ۇسىنىلدى
بيزنەس- فورۋمنىڭ وتكىزىلۋى قازاقستان مەن ب ا ءا- ءنىڭ ىسكەر توپتارىنىڭ اراسىندا ساۋدا-ەكونوميكالىق ىنتىماقتاستىقتى كەڭەيتۋگە باعىتتالعان.
فورۋمعا ب ا ءا -دەگى ق ر-نىڭ توتەنشە جانە وكىلەتتى ەلشىسى قايرات لاما-شاريف، ءبىرقاتار وبلىس اكىمدەرىنىڭ ورىنباسارلارى، سونىمەن بىرگە، ەكى ەلدەن 100 دەن استام بيزنەسمەندەر مەن كاسىپكەرلەر قاتىستى.
ق ر ي د م ينۆەستيتسيالار كوميتەتىنىڭ ءتوراعاسى ەرلان حايروۆ مەملەكەت باسشىسىنىڭ تاپسىرماسىنا سايكەس، قازاقستاندا ەلىمىزگە شەتەلدىك ينۆەستيتسيالاردى تارتۋ ءۇشىن جاڭا ينۆەستيتسيالىق احۋال مەن ىنتالاندىرۋلار قاراستىرىلعانىن اتاپ ءوتتى.
«قازاقستاننىڭ ماكروەكونوميكالىق، الەۋمەتتىك جانە ساياسي تۇراقتىلىعى دا ينۆەستورلاردى تارتۋدا ماڭىزدى فاكتور بولىپ تابىلادى»، - دەپ اتاپ ءوتتى ە. حايروۆ.
بيزنەس- فورۋمنىڭ اياسىندا امىرلىكتەردىڭ وكىلدەرىمەن 7 ميلليون ا ق ش دوللارى سوماسىندا 150 دەن استام ينۆەستيتسيالىق جوبا تانىستىرىلدى. بۇدان كەيىن فورۋم دەلەگاتتارى سەكسيالار بويىنشا ءبولىنىپ، ىنتىماقتاستىق پەرسپەكتيۆالارىن ەگجەي- تەگجەيلى تالقىلاۋعا كىرىستى.
