الماتىدا فرانسيالىق وتاشى 7 جاسار بالانىڭ ەستۋ قابىلەتىن قالپىنا كەلتىردى

IV دارەجەلى ەكى جاقتى نەيروسەنسورلىق قۇلاق مۇكىستىگى (ساڭىراۋ) دەگەن دياگنوز قويىلعان بالانىڭ قۇلاق قۋىسىنا فرانسيالىق «Otikon Medical» كومپانياسىنىڭ كولەارلىق يمپلانتانتى ورناتىلدى. دارىگەرلەردىڭ ايتۋىنشا، وتادان كەيىن بالانىڭ ەستۋ قابىلەتى 100 پايىز قالپىنا كەلەدى.

 «وتا ءساتتى ءوتتى. بالانىڭ ەستۋ قابىلەتى 100 پايىزعا قالپىنا كەلتىرىلدى. دەگەنمەن، وتادان كەيىن وعان ءبىرشاما ۋاقىت ساۋىعۋ ەم- شارالارى جاسالادى. ەگوردىڭ ەندى سويلەۋ قابىلەتىن دامىتۋ كەرەك. بۇل ءبىر جىلدان ەكى جىلعا دەيىن ۋاقىت الادى»، - دەدى قالالىق كلينيكالىق اۋرۋحانانىڭ باس دارىگەرىنىڭ ورىنباسارى مايا بولشانوۆا.

ونىڭ ايتۋىنشا، مۇنداي وتا اتالمىش اۋرۋحانادا تۇڭعىش رەت جاسالىپ وتىر. ەندى ەستۋ قابىلەتىن قالپىنا كەلتىرۋگە ارنالعان مۇنداي يمپلانتانتتار اۋرۋحانا بازاسىندا ءجيى قولدانىلاتىن بولادى. وپەراتسيا « Digisonik SP Оticon Medikalجۇيەسىن قولدانۋ ارقىلى كوحلەارلىق يمپلانتاتسيا جاساۋدىڭ ەرەكشەلىكتەرى» تاقىرىبىندا دارىگەرلەر مەن سۋردولوگتارعا ارنالعان شەبەرلىك سىنىبى اياسىندا جاسالدى.

ايتا كەتەلىك، الماتىداعى № 5 قالالىق كلينيكالىق اۋرۋحانا قۇلاق، مۇرىن، جۇتقىنشاق، كومەي اۋرۋلارىنىڭ پاتولوگياسىن ەمدەۋگە ماماندانعان جالعىز رەسپۋبليكالىق ورتالىق.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى