ا ق ش قازاقستاندىق ستۋدەنت دياس قادىربايەۆتى 7 جىلدان اسپايتىن مەرزىمگە سوتتاۋى مۇمكىن
پروكۋراتۋرا وكىلدەرى كەلىسىم شارتتارىنا سايكەس ولار قادىربايەۆتىڭ جەتى جىلدان اسپايتىن مەرزىمگە تۇرمەگە قامالۋىنا قول جەتكىزەتىنىن كورسەتتى. ونىڭ ادۆوكاتتارى وزدەرىنىڭ قورعاۋىنداعى ادامنىڭ جازاسىن بۇدان دا جەڭىلدەتۋىنە قول جەتكىزۋى مۇمكىن.
تاراپتار اراسىنداعى بۇل ۋاعدالاستىقتى ءىستى جۇرگىزىپ جاتقان سۋديا دۋگلاس ۆۋدلوك ماقۇلداۋى ءتيىس.
بوستون سوتى قادىربايەۆتىڭ ءىسى بويىنشا ۇكىمدى 18- قاراشادا جاريالايدى دەپ ءمالىم ەتتى ۆۋدلوك.
قادىربايەۆتى نە ءۇشىن ايىپتاۋدا؟
ا ق ش بيلىگى بوستون لاڭكەستىك اكتىسىن جاساۋعا ايىپتالعان دجوحار تسارنايەۆتى بىلەتىن قادىربايەۆ جانە قازاقستاننان تاعى ءبىر ستۋدەنت ازامات ءتاجاياقوۆ جارىلىستان ءۇش كۇن وتكەن سوڭ ونىڭ پريروتەحنيكا سالىنعان سومكەسىن جانە نوتبۋكتى جويعان دەپ سانايدى. بۇل لاڭكەستىك اكتىنى تەرگەۋ ءىسىن ەداۋىر قيىنداتتى. جاس ادامدار بۇنى دجوحار تسارنايەۆ پەن ونىڭ اعاسى تامەرلاننىڭ سۋرەتتەرىن جاڭالىقتاردان كورگەننەن كەيىن جاسادى دەپ پايىمدالۋدا.
بوستون مارافونىنداعى لاڭكەستىك
2013- جىلعى 15- ساۋىردە بوستوننىڭ ورتالىعىندا ءوتىپ جاتقان ءداستۇرلى مارافوننىڭ مارەسىنە جاقىن ماڭدا اراسىنا 12 سەكۋند سالىنىپ، ەكى جارىلىس جاسالعان، ونىڭ سالدارىنان ءۇش ادام قازا تاپتى، 20 سى جاراقات الدى. امەريكاندىق بيلىك بۇل جارىلىستاردى ۇيىمداستىرۋشىلار جانە ورىنداۋشىلار اعايىندى 26 جاستاعى تەمىرلان مەن 21 جاستاعى دجوحار تسارنايەۆتار ەكەنىنە سەنىمدى. لاڭكەستىكتەن كەيىن بىرنەشە كۇن وتكەن سوڭ تامەرلان پوليتسەيلەرمەن اتىس كەزىندە ءولتىرىلدى، ال دجوحار وقتان جاراقاتتانىپ، تۇتقىندالدى.
2013- جىلعى شىلدەدە دجوحار تسارنايەۆتىڭ ءىسى بويىنشا العاشقى سوت تىڭداۋلارى ءوتتى. ول وزىنە تاعىلعان ايىپتىڭ 30 تارماعىنىڭ بىردە-ءبىرىن مويىنداعان جوق. قاڭتاردا پروكۋراتۋرا وعان ءولىم جازاسى بەرىلۋىن تالاپ ەتەتىنى جونىندە حابارلادى. سوتتىڭ باستالۋى 3- قاراشاعا بەلگىلەنىپ وتىر.
