الماتىدا 7 بالدىق جاساندى جەر سىلكىنىسى ۇيىمداستىرىلدى

 قازاقستانداعى « قىزىل جارتى اي» قوعامىنىڭ ماماندارى فۋرگوننىڭ ءىشىن پاتەر سياقتى جابدىقتاپ، ءزىلزالا كەزىندە جاسالۋى ءتيىس بىرنەشە ارەكەتتى كورسەتتى.

مامانداردىڭ ايتۋىنشا، ءبىرىنشى كەزەكتە ۇيدەگى جيھازدى مىقتاپ بەكىتۋ كەرەك.

«ادامدار جەردىڭ سىلكىنگەنىنەن ەمەس، ۇيدەگى اۋىر زاتتاردىڭ قۇلاۋىنان زارداپ شەگەدى. سوندىقتان، شكاف، كارتينا سياقى اۋىر زاتتاردى جاتىن ورىننان الىس قويۋ كەرەك. جالپى، جيھازدى ورنالاستىرۋدا وسىنىڭ ءبارى ەسكەرىلۋى كەرەك» ، - دەدى قازاقستانداعى « قىزىل جارتى اي» قوعامىنىڭ باپكەرى ءلاززات يبراگيموۆا.

 ماماننىڭ سەيسمولوگيالىق تۇرعىدان قاۋىپتى اۋدانداردا تۇراتىن ادامدارعا ازىق- تۇلىك پەن ءبىرىنشى قاجەت بولاتىن قۇرال- جابدىقتار سالىنعان سومكەنى ازىرلەپ قويۋعا كەڭەس بەردى.

دۇنيەجۇزىلىك گۋمانيتارلىق كومەك كۇنىنە وراي بۇگىن ۇيىمداستىرىلعان شاراعا ت ج قىزمەتكەرلەرى، گۋمانيتارلىق مانداتى بار ب ۇ ۇ اگەنتتىگى، امەريكالىق قىزىل كرەست، ورتا ازياداعى گۋمانيتارلىق كومەك پەن ازاماتتىق قورعانىس بويىنشا ەۋروپا كوميسسياسى قاتىستى.

«گۋمانيتارلىق قالاشىق» اكتسياسى قالامىزدا ءبىرىنشى رەت ءوتىپ جاتىر. بۇل وزگەنىڭ ءومىرى ءۇشىن ءوز ءومىرىن قۇربان ەتە وتىرىپ، قاۋىپتى اۋدانداردا جۇمىس ىستەيتىن ادامدارعا دەگەن قۇرمەتىمىز. ءبىزدىڭ قوعامىمىز تاۋەلسىزدىك العالى بەرى جۇزدەگەن ۆاگونعا جۇك بولعان كيىمدەر، ىستىق اس، توننالاعان ازىق- تۇلىك رەتىندە كورىنىس تاپقان قۇنى 5 ميلليارد تەڭگە بولاتىن گۋمانيتارلىق كومەك كورسەتكەن» ، - دەدى قازاقستانداعى « قىزىل جارتى اي» قوعامىنىڭ پرەزيدەنتى ەركەبەك ارعىمبايەۆ.

 اۆتور:  گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى