مەملەكەتتىك قورعا استىق ساتىپ الۋعا 7 ميلليارد تەڭگەدەن استام قارجى ءبولىندى

«2014 - جىلدىڭ ونىمىنەن ەكىنشى دەڭگەيلى بانكتەردىڭ كەپىلدىگىمەن مەملەكەتتىك قورعا استىق ساتىپ الۋعا 7078 ميلليون تەڭگە ءبولىندى. ونىڭ 3539,25 ميلليون تەڭگەسى كوكتەمگى- كۇزگى قارجىلاندىرۋ ەسەبىنەن جانە 3529,25 تەڭگەسى - كۇزگى كەزەڭگە ارنالعان. ايتا كەتەرلىگى، كوكتەمگى- كۇزگى قارجىلاندىرۋدا پايدالانىلماعان اقشا قاراجاتى كۇزگى كەزەڭدە استىق ساتىپ الۋعا بىردەن باعىتتالادى» ، - دەدى «قازاگرو» ۇ ب ح» اق ءتوراعاسىنىڭ ورىنباسارى قايرات ايتۋعانوۆ.

ونىڭ اتاپ وتۋىنشە، بۇل قارجى كوكتەمگى- كۇزگى قارجىلاندىرۋعا جانە كۇزگى جيىن- تەرىمگە تەڭ بولىنگەن. «بۇگىنگى تاڭدا ءبىز 102 ميلليون تەڭگەگە 5100 مىڭ توننا استىق ساتىپ الدىق. ال قالعان قارجى ەگىن تەرىمى بارىسىندا يگەرىلەتىن بولادى» ، - دەدى ول.

«بۇعان قوسا «ازىق- تۇلىك كورپوراتسياسى» جۇزەگە اسىراتىن بيۋدجەتتىك نەسيە قاراجاتىنان بيدايدى جانە ارپانى فورۆاردتىق ساتىپ الۋ اياسىندا بارلىعى 1,7 مىڭ زايەمشىنى 2,2 ميلليون گەكتار جەر القابىنا 13 ميلليارد تەڭگە سوماسىنا قارجىلاندىردى» ، - دەپ قوستى ق. ايتۋعانوۆ.

 اۆتور:  مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى