كراماتورسك تۇبىندە ۋكراينانىڭ 7 ساربازى قازا تاپتى
اۆتومات جانە گراناتومەتپەن قارۋلانعان 30 شاقتى سەپاراتيستىڭ شابۋىلىنان اۋەلدە ۋكراين قارۋلى كۇشتەرىنەن التى سارباز قازا تاۋىپ، سەگىزى جارالانعانى حابارلانعان ەدى. كەيىن ۋكراينا قاۋىپسىزدىك قىزمەتى مەرت بولعاندار سانى جەتى ادام دەپ مالىمدەدى.
رەسەيلىك LifeNews پورتالىنىڭ حابارلاۋىنشا، كراماتورسك تۇبىندەگى وكتيابرسك سەلوسىندا دا 13 - مامىر كۇنى قاقتىعىس بولعان. جەرگىلىكتى تۇرعىنداردىڭ ايتۋىنا قاراعاندا، رەسەيشىل سەپاراتيستەردەن دە ءبىراز ادام قۇربان بولعان.
ۋكراينانىڭ شىعىسىندا بيلىك رەسەيشىل قارۋلى سەپاراتيستەرگە قارسى ارنايى وپەراتسيا جۇرگىزىپ جاتىر. كراماتورسكىدەگى شابۋىلعا دەيىن ۋكراينا بيلىگى انتيتەرورلىق وپەراتسيالار بارىسىندا توعىز اسكەري قىزمەتكەر قازا بولعانىن حابارلاعان ەدى.
