الماتى وبلىسىندا اسكەريلەر 7 - مامىرداعى شەرۋدەن قايتىپ كەلە جاتقاندا اپاتقا ۇشىرادى
اسكەريلەر 7-مامىر وتان قورعاۋشىلار كۇنىنە ارنالعان استاناداعى شەرۋدەن قايتىپ كەلە جاتقان.
بالقاش قالاسىنان ۇزاعان بەتتە كولوننوعا جۇك كولىگى بەتپە-بەت سوعىلىپتى.
سالدارىنان 24 ادام جاپا شەگىپ، ونىڭ 6 ۋى ءومىر مەن ءولىمنىڭ اراسىندا جاتىر.
كوپتىڭ كوزىنەن تاسا قالدىرۋعا تىرىسقان اپاتتىڭ جاي-جاپسارىن نارتاي ارالباي ۇلى تارقاتىپ ايتادى.
اسكەري شەرۋدەن سوڭ توتەنشە جاعدايلار مينيسترلىگىنە قاراستى №28/237 اسكەري ءبولىمىنىڭ ساربازدارى ءدال وسىنداي قاتارمەن الماتىعا قاراي جول تارتقان. ەكاتەرينبۋرگ-الماتى جولىنىڭ 604-شاقىرىمىندا، قارسى باعىتپەن جۇيتكىگەن جۇك كولىگى كولوننانىڭ الدىڭعى ساربازدارعا لىق تولى ماشيناعا بەتپە-بەت سوعىلىپتى.
جارالانعان جاۋىنگەرلەردىڭ 20 عا جۋىعى ۇزىن اعاشتاعى اسكەري بولىمگە جونەلتىلسە، جاراقاتى اۋىرلارى الماتىداعى اۋرۋحاناعا جەتكىزىلگەن.
جۇماحان مولداقۇلوۆ، №4-قالالىق اۋرۋحانا باس دارىگەرىنىڭ ورىنباسارى:
- ءبارى 6 ناۋقاس. قازىرگى جاعدايلارى اۋىر جاعدايدا. تۇسكەن كەزدە بىردەن رەانيماتسيا بولىمىنە جاتقىزىلىپ دياگنوستيكا جاسالعان. كەرەكتى وپەراتسيالار جاسالعان.
ساپتاعى ساربازداردان بولەك تالقان بولعان تەمىر تۇلپاردا كەلىسىم-شارتپەن قىزمەتىن وتەپ جۇرگەن جاۋىنگەرلەر مەن سەرجانتتار بولىپتى. تىلگە كەلگەندەرى تەرگەۋشىلەردىڭ سۇراقتارىنا جاۋاپ بەرۋدە. ال 28/237 اسكەري ءبولىمىنىڭ وكىلدەرى وزدەرىنە شاڭ جۋىتار ەمەس.
ابدىجالەل ەرنازاروۆ، ق ر ت ج م 28/237 اسكەري ءبولىمى حيميالىق قىزمەتتىڭ باستىعى:
- قاراما قارسى باعىتقا ماز اۆتوكولىگى شىعىپ كەتكەن. سودان جول- كولىك وقيعاسى بولدى. كىنا ءبىز جاقتان جوق. ءبىز كۇزەتپەن كەلە جاتقانبىز. ارا قاشىقتىق ساقتالعان.
قارسى باعىتقا شىعىپ كەتكەن جۇك تولى كولىكتىڭ جۇرگىزۋشىسى بالقاشتا قالىپتى، ءدىن-امان كورىنەدى. دەگەنمەن مىنا سۋرەتتەردەن سوڭ سەنۋ قيىن وعان. ال ۇزىناعاشتاعى اسكەري ءبولىمنىڭ الدىندا ءقازىر قۇلاققا ۇرعان تاناداي تىنىشتىق. جازىم بولا جازداعان جاۋىنگەرلەرمەن جۇزدەسۋگە مۇلدەم رۇقسات جوق. جۋرناليستەرمەن تەك قورقاسوقتاپ تەلەفونى ارقىلى تىلدەستى.
قايرات، جاپا شەككەن سارباز:
-6 ۋى قالالىق كلينيكالىق اۋرۋحانادا. ۇشەۋى قالقاماندا. كوبىسىنىڭ باسى جارىلىپ قابىرعالارى سىنعان. تۋىستارىمىز كەلىپ جاتىر. ءبىراق ءبىزدى كىرگىزبەيدى نە شىعارمايدى. تەلەارنالارمەن سويلەسپەڭدەر دەپ بۇيىرعان...
ءقازىر جول اپاتىنا قاتىستى تەرگەۋ ءجۇرىپ جاتىر. ازىرگە كوپتى جاراقات العانداردىڭ ءومىرى الاڭداتۋدا.
- تاس جولدا تاس تالقان بولعان تەمىر تۇلپارلاردان جاپا شەككەن سەرجانتتار مەن ساربازدار ءقازىر جانساقتاۋ بولىمىنەن پالاتاعا اۋىستىرىلىپتى. ەندى ولاردىڭ ومىرىنە ەشقانداي ءقاۋىپ جوق. دەگەنمەن دارىگەرلەر اۋرۋحانا كەرەۋەتىنە تاڭىلعانداردىڭ جاعدايى ءالى دە مۇشكىل دەيدى. ەندى ەڭ كەمى ەمحانادا ءۇش اپتاعا جۋىق جاتپاق جاپا شەككەن جاۋىنگەرلەر.
ktk
