ۆوكزالداردا تىيىم سالىنعان زات تابىلعان 78 ادام قىلمىستىق جاۋاپكەرشىلىككە تارتىلدى
جىل باسىنان بەرى تەمىرجول ۆوكزالدارىنداعى تەكسەرىس ناتيجەلەرىندە 15 مىڭنان استام تىيىم سالىنعان زاتتار، ونىڭ ىشىندە 90 سۋىق قارۋ، 80 اتىس قارۋىنىڭ وق-ءدارىسى انىقتالدى.
«ۆوكزالدارداعى ەكى جارىم ميلليونعا جۋىق ادامعا جانە ولاردىڭ قول جۇكتەرىنە ءىشىنارا تەكسەرىستەر جۇرگىزىلدى»، - دەيدى «اسكەريلەندىرىلگەن تەمىرجول كۇزەتى» ا ق (ا ت ج ك) تەكسەرۋدى ۇيىمداستىرۋ جونىندەگى باس مەنەدجەرى ادىلبەك جۇبەكوۆ.
ونىڭ ايتۋىنشا، 141 جولاۋشىدان اسا قاۋىپتى زاتتار مەن قۇرالدار تابىلدى. ونىڭ بارلىعى كولىكتەگى ىشكى ىستەر ورگانىنا تاپسىرىلسا، 78 ىنە قاتىستى قىلمىستىق ءىس قوزعالدى.
بۇل تەكسەرىستەردى اسكەريلەندىرىلگەن تەمىرجول كۇزەتى قىزمەتكەرلەرى 2017 -جىلى ماۋسىمنان باستاپ بارلىق ۆوكزالدارعا ورناتىلعان ارنايى قوندىرعىلار ارقىلى جۇرگىزۋدە. تەكسەرۋ قۇرالدارى تەلەۆيزيالىق رەنتگەن اپپاراتى، اركالى جانە قول جۇگىنە ارنالعان مەتالل دەتەكتورى، جارىلعىش زاتتاردى انىقتايتىن دەتەكتور ىسكە قوسىلعان.
