بيىلعى ءبىلىم گرانتىنىڭ 78 پايىزى قازاق تىلىندە مەكتەپ بىتىرگەن بالالارعا بەرىلدى - اپتالىق شولۋ
وسى ورايدا ۆيتسە- مينيستر سۆەتلانا جاقىپوۆا زاڭدا ازاماتتاردى زەينەتاقىمەن قامسىزداندىرۋ ماسەلەسى بويىنشا نەگىزگى ءۇش وزگەرىستىڭ قاراستىرىلاتىنىن حابارلادى.
اتاپ ايتقاندا، ءبىرىنشىسى بازالىق زەينەتاقى تولەمىن تاعايىنداۋ ءتارتىبىن وزگەرتۋگە بايلانىستى بولىپ وتىر. 2017 -جىلعى 1 شىلدەدەن باستاپ بازالىق زەينەتاقى تولەمى زەينەتاقى جۇيەسىنە قاتىسۋ وتىلىنە بايلانىستى جانە زەينەتكەرلىك جاسقا (58-63/63) جەتكەن كەزدە عانا تاعايىندالاتىن بولادى. بۇل رەتتە، زەينەتاقى جۇيەسىنە قاتىسۋ وتىلىنە ىنتىماقتى جۇيەسىندە (1998 -جىلعى 1 قاڭتارىنا ەڭبەك ءوتىلى) ىستەپ شىققان ءوتىلىن، سونداي- اق مىندەتتى زەينەتاقى جارنالار اۋدارىلعان كەزەڭىن (زەينەتاقى جارنالارى اۋدارىلعان ناقتى ءوتىلى) قوسادى.
ەگەر دە، ازاماتتىڭ ەڭبەك ءوتىلى 10 جىلدان از نەمەسە ەڭبەك ءوتىلى مۇلدە بولماسا وندا بازالىق زەينەتاقىنىڭ مولشەرى ەڭ تومەن كۇنكورىس دەڭگەيىنىڭ (ك د) 50 پايىزىن قۇرايدى. بازالىق زەينەتاقىنىڭ مولشەرى 10 جىلدان ارتىق ءاربىر جىل ءۇشىن 2 پايىزعا ۇلعايتىلادى، ءوتىلى 35 جىل جانە ودان كوپ بولعان جاعدايدا ك د %100 ىن قۇرايدى (ءوتىلى 20 جىل بولسا بازالىق زەينەتاقىنىڭ مولشەرى - ك د %70 ىن، ال 30 جىل بولسا - ك د %90 ىن قۇرايدى).
بۇل وزگەرىستەر ءبىر جاعىنان، ەڭبەك ءوتىلى كوپ بولعانىمەن، تابىستارى تۋرالى مالىمەتتەردىڭ بولماۋى سەبەپتى تومەن مولشەردە زەينەتاقى الاتىن زەينەتكەرلەرگە قاتىستى الەۋمەتتىك ادىلدىك ورناتۋعا، ەكىنشى جاعىنان، بۇگىنگى جانە بولاشاق قىزمەتكەرلەر بۋىنىن ەڭبەك قاتىناستارىن زاڭداستىرۋدى ىنتالاندىرۋ ءۇشىن مۇمكىندىك بەرەدى.
ەكىنشى ماسەلە جۇمىس بەرۋشىنىڭ قوسىمشا 5 پايىزدىق مىندەتتى زەينەتاقى جارنالارىن (ج م ز ج) بەلگىلەۋ ەسەبىنەن زەينەتاقى جۇيەسىنىڭ جاڭا شارتتى- جيناقتاۋشى قۇرامداۋىشىن ەنگىزۋگە قاتىستى. جۇمىس بەرۋشى ءوز قاراجاتى ەسەبىنەن 5 پايىزدىق مىندەتتى زەينەتاقى جارنالارىن اۋدارعان قىزمەتكەرلەر شارتتى- جيناقتاۋشى قۇرامداۋىشتىڭ قاتىسۋشىلارى بولىپ تابىلادى.
بۇل جارنالار ازاماتتاردىڭ مەنشىگى بولىپ سانالمايدى جانە ءاربىر قىزمەتكەردىڭ ءبىرىڭعاي جيناقتاۋشى زەينەتاقى قورىندا اشىلعان شارتتى زەينەتاقى شوتىندا تىركەلەتىن بولادى. زەينەتاقىنىڭ اتالمىش قۇرامداس بولىگى ءومىر بويى تولەنەدى جانە مۇراعا قالدىرىلمايدى. زەينەتاقىلاردىڭ مولشەرى جىل سايىن بجزق ەكونوميكالىق مۇمكىندىكتەرىنە جانە دەموگرافيالىق كورسەتكىشتەرىنە قاراي يندەكستەلەتىن بولادى.
مۇنىمەن قوسا قۇجاتتا جەكەلەگەن ساناتتاعى ازاماتتاردى زەينەتاقىمەن قامسىزداندىرۋدى جەتىلدىرۋ ماسەلەلەرى قامتىلعان. 2016 -جىلدىڭ 1-قاڭتارىنان باستاپ بارلىق كۇش قۇرىلىمداردىڭ قىزمەتكەرلەرىن زەينەتاقىمەن قامسىزداندىرۋ تولىق مەملەكەتتىك قامسىزداندىرۋعا اۋىستىرىلادى. ولاردىڭ زەينەتاقىسىنىڭ مولشەرى قىزمەتتەن بوساتىلعان كەزدەگى ەڭبەك سىڭىرگەن جىلدارى جانە اقشالاي قامتىلىمىنا قاراي ەسەپتەلەتىن بولادى.
«10 پايىزدىق مىندەتتى زەينەتاقى جارنالارى ازاماتتارعا ءدال سول قالپىندا تولەنەتىن بولادى. ونىڭ مۇراعا قالدىرىلاتىنى ايقىن. ال 5 پايىزدىق اۋدارىم مۇراعا قالدىرىلمايدى. ولاردى جۇمىس بەرۋشى اۋداراتىندىقتان، جۇمىسكەردىڭ مەنشىگى بولىپ ەسەپتەلمەيدى. اتالمىش سوما ج م ز ج اكتيۆىندە بولادى جانە زەينەتكەرلەر اراسىندا قايتا ۇلەستىرىلەدى»، - دەپ ءتۇسىندىردى س. جاقىپوۆا.
ايتا كەتەيىك، ۆيتسە- مينيستر بازالىق زەينەتاقى تولەمىن تاعايىنداۋ ءتارتىبىنىڭ وزگەرۋىنە بايلانىستى قوسىمشا قۇجاتتاردى تاپسىرۋ قاجەت بولمايتىندىعىن جەتكىزدى. «بۇل تۇرعىدا قوسىمشا قۇجاتتار بويىنشا قارتتارىمىز الاڭداماۋى ءتيىس. اتاپ ايتقاندا، زەينەتاقى تولەۋ جونىندەگى مەملەكەتتىك ورتالىققا ەشقاندايدا قوسىمشا قۇجاتتاردى تاپسىرۋ كەرەك ەمەس. وسى باعىتتاعى بارشا جۇمىستار مالىمەتتەردىڭ ورتالىقتاندىرىلعان بازاسىنان جۇرگىزىلەدى»، - دەدى ءمينيستردىڭ ورىنباسارى.
ونىڭ سوزىنە قاراعاندا، اتالعان ورتالىقتا بارلىق قازاقستاندىقتاردىڭ ەڭبەك ءوتىلى بويىنشا تولىق اقپارات جيناقتالعان.
جاڭا جىلىتۋ ماۋسىمىنا ازىرلىك تۇراقتى مونيتورينگتە بولادى
بۇل اپتادا ۇكىمەت ۇيىندە ق ر پرەمەر- ءمينيسترىنىڭ ءبىرىنشى ورىنباسارى باقىتجان ساعىنتايەۆ الداعى جىلىتۋ ماۋسىمىنا ازىرلىك ماسەلەلەرى جونىندە سەلەكتورلىق كەڭەس وتكىزدى.
تاراتىلعان مالىمەتتەرگە قاراعاندا، 2015-2016 -جىلدارداعى جىلىتۋ ماۋسىمىنا نىسانداردى ازىرلەۋ كوممۋنالدىق قىزمەتتەرمەن كەلىسىلگەن كەستەگە ساي جۇزەگە اسىرىلۋدا. 2015 -جىلى 9 ەنەرگوبلوكتى، 59 ەنەرگەتيكالىق قازاندىقتى جانە 47 تۋربينانى كۇردەلى جوندەۋدەن وتكىزۋ جوسپارلانعان. تامىز ايىنىڭ باسىنا 4 ەنەرگوبلوكتا، 30 قازاندىقتا جانە 20 تۋربينادا جوندەۋ جۇمىستارى اياقتالدى. جىلۋ ماۋسىمىنا جىلۋمەن جابدىقتاۋ جەلىلەرىنىڭ ازىرلىگى 60 پايىزدى قۇرايدى، ءبىلىم نىساندارىنىڭ 79 پايىزى، دەنساۋلىق ساقتاۋ مەكەمەلەرىنىڭ 75 پايىزى، تۇرعىن ۇيلەردىڭ 63 پايىزى دايىن بولدى.
جىلۋ كوزدەرىنىڭ 100 گ كال/ساعاتقا دەيىنگى قۋاتتارىنا الداعى جىلىتۋ ماۋسىمىندا وتىن قاجەتتىلىگى 1883 مىڭ توننا كومىر مەن 230 مىڭ توننا مازۋتتى قۇرايدى. بۇل ورايدا قازىردىڭ وزىندە 591 مىڭ توننا كومىر جانە 54 مىڭ توننا مازۋت ازىرلەندى.
كەڭەس قورىتىندىلارىمەن باقىتجان ساعىنتايەۆ ەنەرگەتيكا مينيسترلىگىنە ەلەكتر ستانسالارىنىڭ الداعى جىلىتۋ ماۋسىمىنا ازىرلىگى بارىسىنا، نورماتيۆتىك وتىن قورى جينالۋىنا تۇراقتى مونيتورينگ ۇيىمداستىرۋدى تاپسىردى. وبلىستاردىڭ، استانا جانە الماتى قالالارىنىڭ اكىمدىكتەرىنە بارلىق جوندەۋ ناۋقاندارىن جانە جوسپارلانعان شارالاردى تولىق ورىنداۋدى قامتاماسىز ەتۋ، جاۋاپتى اكىمدەر ورىنباساسارلارىن بەكىتە وتىرىپ، كوممۋنالدىق سەكتور مەن الەۋمەتتىك سالانىڭ بارلىق نىساندارىن جىلىتۋ ماۋسىمىنا دەر كەزىندە ازىرلەۋ، سونداي- اق كوممۋنالدىق قىزمەتتەر ءۇشىن دەبيتورلىق جانە اعىمداعى قارىزداردىڭ وسۋىنە جول بەرمەۋ جونىندە شارالاردى قولعا الۋ تاپسىرىلدى.
ەنەرگوتيىمدىلىك تۇرعىسىندا زاڭناماعا وزگەرىستەر ەنگىزىلمەك
ءوتىپ بارا جاتقان وسى اپتادا ورتالىق كوممۋنيكاتسيالار قىزمەتىندە «ەنەرگيا تيىمدىلىك سالاسىنا ستراتەگيالىق ينۆەستورلار تارتۋ» تاقىرىبىندا وتكەن باسپا ءسوز ءماسليحاتىنا قر ينۆەستيتسيالار جانە دامۋ ۆيتسە- ءمينيسترى البەرت راۋ قاتىسىپ، ول «100 قادام» ۇلت جوسپارى اياسىندا
ەلىمىزدە ەنەرگوتيىمدىلىكتى قامتۋ ءۇشىن زاڭناماعا وزگەرىستەر ەنگىزۋ كوزدەلەتىندىگىن اتاپ ءوتتى.
«ەلباسىنىڭ «100 ناقتى قادام» ۇلت جوسپارىنىڭ 59- قادامى بويىنشا ەنەرگوتيىمدىلىك سالاسىنا ينۆەستورلار تارتۋدى دامىتۋ جۇكتەلگەن بولاتىن. قازىرگى تاڭدا وسى باعىتتا ءبىز گەرمانيالىق ەنەرگەتيكالىق اگەنتتىكتى ستراتەگيالىق ارىپتەس رەتىندە ايقىنداپ وتىرمىز. بۇل اگەنتتىكتىڭ ەنەرگوتيىمدىلىك سالاسىندا تاجىريبەسى وتە زور. ءبىز وسى ينستيتۋتپەن ارىپتەستىك تۋرالى كەلىسىمشارت جاسادىق، ەندى ولار بىزگە ەنەرگوسەرۆيستىك كومپانيالار تارتۋعا جاردەمدەسەتىن بولادى»، - دەدى البەرت راۋ.
بەلگىلى بولعانداي، «100 قادام» بويىنشا ەنەرگوتيىمدىلىك شارالارىن جۇزەگە اسىرۋ ماقساتىندا زاڭناماعا ءبىرقاتار وزگەرىستەر ەنگىزۋ كوزدەلەدى. اتاپ ايتقاندا، بيۋدجەتتىك، تابيعي مونوپوليالاردى رەتتەۋ تۋرالى زاڭنامالارعا وزگەرىستەر كۇتىلەدى.
«قاراپايىم تىلمەن تۇسىندىرسەك، بۇگىنگى كۇنى ەلىمىزدەگى ءبىر مەكتەپتى جىلىتۋ ءۇشىن ماۋسىم بارىسىندا ايىنا ميلليون تەڭگە قاجەت ەتىلەدى. ال ەرتەڭ ەنەرگوسەرۆيستىك كومپانيا كەلىپ، ەنەرگيا ۇنەمدەيتىن قازاندىق ورناتادى دەلىك. ول قازاندىق ايىنا 800-900 مىڭ تەڭگەنى قاجەت ەتۋى مۇمكىن. بۇل جەردە بيۋدجەتتەن مەكتەپتى الگىندەي قارجىلاندىرۋ جالعاسا بەرەدى دە، ەسەسىنە قالدىق قاراجات ەنەرگيا ۇنەمدەۋمەن اينالىساتىن كومپانياعا بەرىلەدى. مىنە، بيۋدجەتتىك زاڭنامادا وسىنداي وزگەرىستەر ورىن الماق»، - دەدى ۆيتسە- مينيستر.
بۇدان بولەك، ەنەرگيا شىعىنى ۇلكەن بولىپ تابىلاتىن كوممۋنالدىق سەكتورعا دا وسى تاقىلەتتەس وزگەرىستەر ەنگىزىلمەك. كوممۋنالدىق قىزمەتتەر تاريفىنە ينۆەستيتسيالىق قۇرامداستار ەنگىزىلەدى، ياعني ۇنەمدەلگەن قاراجات ينۆەستورلار قالتاسىنا تۇسەدى دەگەن ءسوز.
تۇيىندەي ايتقاندا، ەنەرگوتيىمدىلىك بويىنشا بيۋدجەتكە دە، تابيعي مونوپوليا سۋبەكتىسىنە دە سالماق تۇسپەيدى، ونى ينۆەستور كوتەرەدى. ەسەسىنە، ينۆەستور ۇنەمدەۋدى ناقتى اتقارىپ، ۇنەمدەۋدەن قالعان قالدىق قاراجاتتى ءوزى يەلەنىپ وتىرماق.
مۇنىمەن قوسا ا. راۋ ونەركاسىپ سالاسىندا ەنەرگيا تۇتىنۋدى 2020 -جىلعا قاراي 25 پايىزعا تومەندەتۋ كوزدەلەتىندىگىن اتاپ ءوتتى.
«ءبىز كۇنى كەشە ءىرى گەرمانيالىق ەنەرگيا ۇنەمدەۋ كومپانياسىمەن كەلىسسوزدەر جۇرگىزدىك. اينالىمى ميلليارد ەۋرونى قۇرايتىن كومپانيا جاڭعىرتۋدى قاجەت ەتەتىن ەلىمىزدىڭ سالاسىنا كەلۋگە مۇددەلىلىك تانىتىپ وتىر. ولاردا ارزان كرەديتتىك رەسۋرستار بارشىلىق، جاڭعىرتۋ جۇمىستارىن جۇرگىزۋگە دە دايىن. ەڭ باستىسى ولاردى دا، ءبىزدى دە ونەركاسىپ سالاسى قىزىقتىرىپ وتىر»، - دەيدى ا. راۋ.
قازاقستاندا ەڭ كوپ ەنەرگيا تۇتىناتىن، رەزەرۆتەرى دە اۋقىمدى سالا ونەركاسىپ سالاسى بولىپ تابىلادى.
«وسىعان وراي، پرەزيدەنت جالپى ىشكى ونىمدەگى ەنەرگيا تۇتىنۋدى 2020 -جىلعا قاراي 25 پايىزعا، ال 2050 -جىلعا قاراي 50 پايىزعا تومەندەتۋگە قول جەتكىزۋدى تاپسىرعان بولاتىن. مىنە، ءبىزدىڭ ستراتەگيالىق مىندەتىمىز دە وسى مەجە. ءبىز ونەركاسىپ سالاسىندا وسى مىندەتتى ورىندايتىن بولامىز» ، - دەدى ۆيتسە- مينيستر.
قازاقستاندىق قامتۋ دسۇ اياسىندا 2021 -جىلعا دەيىن عانا قولدانىلادى
جەر قويناۋىن پايدالانۋشىلاردىڭ ساتىپ الۋلارىنداعى قازاقستاندىق قامتۋ تالاپتارى دسۇ ەرەجەلەرىنە قايشى كەلەدى. سوندىقتان دا، ۇكىمەت ونى الماستىراتىن ءتيىستى قولداۋ شارالارىن 2021 -جىلدىڭ 1 قاڭتارىنا دەيىن قابىلدايتىن بولادى. بۇل جايىندا وسى اپتادا ورتالىق كوممۋنيكاتسيالار قىزمەتىندە وتكەن بريفينگتە قر ۇلتتىق ەكونوميكا مينيسترلىگى سىرتقى ساۋدا قىزمەتىن رەتتەۋ دەپارتامەنتىنىڭ ديرەكتورى جانەل كۇشىكوۆا وسىلاي مالىمدەدى.
دەپارتامەنت باسشىسىنىڭ سوزىنە قاراعاندا، قازاقستاندىق قامتۋعا كوبىرەك تاۋەلدى وندىرۋشىلەر جاپا شەكپەس ءۇشىن دسۇ اياسىندا وتپەلى كەزەڭ قاراستىرىلىپ وتىر. ياعني، 2021 -جىلعا دەيىن بۇگىنگى كۇنى بەكىتىلگەن كەلىسىمشارتتار كۇشىندە قالاتىن بولادى. ال وسى كەزەڭ ىشىندە ۇكىمەت جەر قويناۋىن پايدالانۋشىلاردىڭ كەلىسىمشارتى ارقىلى جۇمىس ىستەپ تۇرعان وتاندىق وندىرۋشىلەردى قولداۋ ءۇشىن ءتيىستى شارالاردى قابىلداۋى كەرەك.
«ەندىگىدە جەر قويناۋىن پايدالانۋشىلارمەن جاڭا كەلىسىمشارتتار جاساسقاندا وندا قازاقستاندىق قامتۋ تۋرالى تالاپ بولمايدى. دەگەنمەن، بۇنىڭ ناتيجەسىندە قازاقستاندىق وندىرۋشىلەردى قولداۋ ازايمايدى. بۇل ءۇشىن ۇكىمەت كەشەندى قولداۋ شارالارىن ازىرلەۋگە كىرىسكەن. سوندىقتان دا، الداعى قولداۋ ماسەلەلەرىنىڭ بارلىعى قازاقستان بيۋدجەتىنىڭ مۇمكىندىكتەرىنە قاراي بولۋى مۇمكىن. ال قىزمەتتەردى جەتكىزۋشىلەر ءۇشىن ەشقانداي دا قورقىنىش جوق، ويتكەنى ولارعا قاتىستى قازاقستاندىق قامتۋدى ءبىز ەلۋ پايىز دەڭگەيىندە قالدىردىق» ، - دەدى دەپارتامەنت ديرەكتورى.
بۇدان بولەك ول قازاقستاننىڭ د س ۇ- عا كىرۋى اياسىندا شەتەلدىك قىزمەت كورسەتۋ سالاسىنىڭ وتاندىق نارىققا ەنۋى كوزدەلەتىندىگىن ءسوز ەتتى. بۇگىنگى كۇنى 115 قىزمەت كورسەتۋ سەكتورىمەن كەلىسسوزدەر جۇرگىزىلگەن. سونىمەن قاتار، د س ۇ- عا وتكەننەن كەيىنگى بەس جىلدان سوڭ قازاقستاندا تىكەلەي شەتەلدىك بانكتەر مەن ساقتاندىرۋ ۇيىمدارى اشىلاتىن بولادى.
«ءبىز قارجى سەكتورىن ىرىقتاندىرۋ جۇمىستارىن جۇزەگە اسىراتىن بولامىز. بۇل رەتتە شەتەلدىك بانكتەر ەندى بەس جىلدان كەيىن وزدەرىنىڭ فيليالدارىن قازاقستاندا اشۋعا مۇمكىندىك الاتىن بولادى. ول فيليالداردىڭ قىزمەتتەرىن رەتتەۋ بويىنشا مۇمكىندىكتەر دە ۇسىنىلىپ وتىر. ءبىز ولاردىڭ نەگىزگى كاپيتال مولشەرىنە قاتىستى قاتاڭ شارت بەلگىلەپ وتىرمىز»، - دەدى دەپارتامەنت باسشىسى.
ونىڭ سوزىنە قاراعاندا، تەلەكوممۋنيكاتسيا قىزمەتتەرى سەكتورى دا ىرىقتاندىرىلماق. ايتا كەتەرلىگى، بۇگىنگى كۇنى قالاارالىق جانە حالىقارالىق بايلانىس قىزمەتتەرىن جەتكىزۋشى كومپانيالارعا شەتەلدىك كاپيتالدىڭ قاتىسۋىنا شەكتەۋلەر بار، ياعني قاتىستىرىلاتىن شەتەلدىك كاپيتالدىڭ مولشەرى 49 پايىزدان اسپاۋى شارت. الايدا، دەپارتامەنت باسشىسىنىڭ ايتۋىنشا، بۇنداي شەكتەۋلەر قازاقستان د س ۇ- عا وتكەننەن كەيىنگى الداعى 2,5 جىلدا جويىلادى. تەك ۇلتتىق قاۋىپسىزدىك تۇرعىسىنان «قازاقتەلەكوم» ا ق- نا عانا بۇنداي شارا قاراستىرىلمايدى.
«تۇتاستاي العاندا بۇل حالىق ءۇشىن جاعىمدى قۇبىلىس بولماق. ويتكەنى، شەتەلدىك قىزمەت كورسەتۋشى كومپانيالاردىڭ نارىققا ەنۋى باسەكەلەستىكتى ارتتىرادى، سايكەسىنشە باعا دا ارزانداپ، ساپا جاقسارماق»، - دەدى ج. كۇشىكوۆا.
مەملەكەتتىك ءبىلىم گرانتىن الۋعا 60 مىڭنان استام ادام ۇمىتكەر
بۇل اپتادا ق ر ءبىلىم جانە عىلىم ءمينيسترى اسلان ءسارىنجىپوۆتىڭ ءتوراعالىق ەتۋىمەن ءبىلىم گرانتتارىن تاعايىنداۋ بويىنشا رەسپۋبليكالىق كونكۋرستىق كوميسسيانىڭ وتىرىسى ءوتتى. كوميسسيانىڭ قۇرامىنا اتالمىش ۆەدومستۆو مەن دەنساۋلىق ساقتاۋ مينيسترلىگىنىڭ قىزمەتكەرلەرى، جوعارى وقۋ ورىندارىنىڭ رەكتورلارى، ءبىلىم بەرۋ قىزمەتكەرلەرىنىڭ كاسىپوداقتارى كىرەدى.
ايتا كەتەيىك، ءبىلىم گرانتتارى ۇلتتىق ءبىرىڭعاي تەستىلەۋ مەن كەشەندى تەستىلەۋدىڭ ناتيجەلەرى بويىنشا ج و و- لارعا وقۋعا ءتۇسىپ جاتقان ابيتۋريەنتتەرگە تاعايىندالادى.
«مەملەكەتتىك گرانتتاردى تاعايىنداۋ بويىنشا كوميسسيانىڭ وتىرىسىن وتكىزەتىن بولامىز. مەملەكەت تاراپىنان ءبىز 32 مىڭ گرانت بولەمىز. ونىڭ ىشىندە تەحنيكالىق ماماندارعا ارنالعان 12,5 مىڭ گرانت، پەداگوگيكالىق ماماندىقتارعا - 6 مىڭ گرانت، اۋىل شارۋاشىلىق ماماندىقتارىنا 2,5 مىڭ گرانت قاراستىرىلادى.
وزدەرىڭىز بىلەتىندەي، بيىل ۇلتتىق بىرىڭعاي تەستىلەۋ جوعارى دەڭگەيدە وتكىزىلدى. ناتيجەلەرى بىلتىرعى جىلعىمەن سالىستىرعاندا جوعارى. سوندىقتان بيىل كونكۋرسقا قاتىساتىنداردىڭ سانى 67 مىڭعا جەتتى. ولاردىڭ ىشىندە 78 پايىزى قازاق تىلىندە بىتىرگەن بالالار، 22 پايىزى - ورىس تىلىندە بىتىرگەندەر. سول سەبەپتى 32 مىڭ گرانتتىڭ ىشىندە 78 پايىزى قازاق بولىمدەرىنە ارنالعان. 22 پايىزى ورىس تىلى بولىمدەرىنە دەپ قاراستىرىلىپ وتىر»، - دەپ اتاپ ءوتتى مينيستر تىلشىلەرگە بەرگەن سۇحباتىندا.
گرانتتاردى ۇلەستىرۋ بارىسىندا «التىن بەلگى» يەگەرلەرىنە، حالىقارالىق، رەسپۋبليكالىق وليمپيادالار مەن عىلىمي سايىستاردىڭ، بايقاۋلاردىڭ جانە سپورتتىق جارىستاردىڭ جەڭىمپازدارىنا باسىمدىق بەرىلەدى.
اۆتور: رۋسلان عابباسوۆ
