عايىپ بولعان مالايزيالىق بويڭ-777 تۋرالى بايانداما جاريالاندى
وندا ءالى كۇنگە دەيىن كۋالا- لۋمپۋردان پەكينگە قاراي بەت العان Boeing-777 اۋە كەمەسىنىڭ ىزىنە تۇسەتىن ەشقانداي دالەل تابىلعان جوق دەلىنگەن.
ويتكەنى ماماندار تەك لاينەردىڭ اۋەگە كوتەرىلەر الدىنداعى تەحنيكالىق قاسيەتتەرى مەن ۇشاققا كورسەتىلگەن قىزمەتتەر تۋرالى جانە ەكيپاج قۇرامى جايىندا مالىمەتتەردى جيناعان.
ساراپشىلار ۇشاققا قاتىستى ءبىر عانا شيكىلىك تاۋىپتى. سونداعىسى ۇشاق سۋعا كەتكەن جاعدايدا ونى ىزدەپ- تابۋعا ارنالعان اكۋستيكالىق شامشىراق باتارەياسىنىڭ مەرزىمى ءوتىپ كەتكەن. قۋاتتاۋىش قۇرالدىڭ مەرزىمى قايعىلى وقيعادان ءبىر جىل بۇرىن اياقتالعان ەكەن.
سول سەبەپتى لاينەردى ىزدەستىرۋ وپەراتسياسى ءالى دە جالعاسىپ جاتىر.
قازىر ماماندار اۆستراليانىڭ باتىسىنداعى 1500 شاقىرىم جەرگە دەيىنگى ايماقتى ءجىتى باقىلاۋىنا العان. ەستەرىڭىزدە بولسا، بىلتىر ناۋرىزدىڭ 8 ىنە قاراعان ءتۇنى عايىپ بولعان كۋالا- لۋمپۋردان ۇشىپ شىققان اۋە كەمەسىنىڭ بورتىندا 227 جولاۋشى مەن 12 ەكيپاج مۇشەسى بولعان ەدى.
www.24.kz
