قازاقستاندىق ريەلتورلار 76 ميلليارد تەڭگە كولەمىندە رەكوردتىق تابىس تاپتى

اعىمداعى جىلدىڭ العاشقى 5 ايىندا قازاقستاندا 90,2 مىڭ پاتەرلەر مەن جەكە ۇيلەردىڭ ساتىپ الۋ جانە ساتۋ كەلىسىمدەرى جاسالعان. بۇل سوڭعى 5 جىلدىڭ قاڭتار- ناۋرىز ايلارىندا جاسالعان كەلىسىمدەردىڭ ەڭ جوعارعى كورسەتكىشى. 2016 -جىلدىڭ قاڭتار- ناۋرىز ايلارىنداعى دەڭگەيمەن سالىستىرعاندا، كەلىسىم جاساۋلار سانى بىردەن %27,5 عا كوتەرىلدى. اعىمداعى جىلدىڭ العاشقى ءۇش ايىنداعى كورسەتكىش بويىنشا جىلجىمايتىن مۇلىك نارىعىندا ساتىپ الىپ- ساتۋ ىسىمەن اينالىساتىن ۇيىمدار (سالىق سالۋعا دەيىن) 76 ميلليارد تەڭگە كولەمىندە تابىس تاپتى.

وتكەن جىلدىڭ قاڭتار- ناۋرىز ايلارىمەن سالىستىرعاندا كىرىستىڭ جالپى كولەمى 29,1 ميلليارد تەڭگەنى قۇرايدى، نەمەسە بيىلعى جىلمەن سالىستىرعاندا 2,6 ەسەگە از. نارىقتىڭ نەگىزگى درايۆەرلەرى شاعىن سەكتورلار - سالانىڭ شاعىن كاسىپورىندارىنىڭ تازا كورسەتكىشى بيىلعى جىلى ءىرى جانە ورتا ۇيىمدارداعى 12,4 ميلليارد تەڭگەگە قارسى 63,7 ميلليارد تەڭگەنى قۇرادى. ءبىر جىل بۇرىن بۇل كورسەتكىش باسقاشا بولدى، ءىرى ريەلتورلىق ۇيىمدار 28,8 ميلليارد تەڭگە تابىس تاپسا، شاعىن ۇيىمداردىڭ تابىسى نەبارى 256,1 ميلليون تەڭگەنى قۇرادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى