الماتىدا ەسىرتكى ساتقان 75 جاستاعى اجە سوتتالدى
«الماتى قالالىق قىلمىستىق ىستەر جونىندەگى مامانداندىرىلعان اۋدانارالىق سوتىندا قازاقستان رەسپۋبليكاسى قىلمىستىق كودەكسىنىڭ 297- بابىنىڭ 3- بولىگى 3- تارماعى بويىنشا (ەسىرتكى زاتتارىنىڭ زاڭسىز اينالىمى) قىلمىس جاساعان ا- عا قاتىستى قىلمىستىق ءىستى قاراۋ اياقتالدى. سوت 2016-جىلى 31- شىلدەدە ا. س- عا جالپى سالماعى 0,23 گرام ءىرى مولشەردە «گەروين» ەسىرتكىسىن 4000 تەڭگەگە زاڭسىز ساتقانىن انىقتادى»، - دەلىنگەن حابارلامادا.
بۇدان باسقا، 2016-جىلعى 2- تامىزدا ا- نىڭ ۇيىندە كۋاگەرلەردىڭ قاتىسۋىمەن جۇرگىزىلگەن ءتىنتۋ بارىسىندا جالپى سالماعى 4,21 گرام اسا ءىرى مولشەردە اتالعان ەسىرتكى قۇرالى تابىلىپ، تاركىلەندى.
سوت ۇكىمىمەن ا. ق ر قىلمىستىق كودەكسىنىڭ 297- بابىنىڭ 3- بولىگى 3- تارماعىندا كوزدەلگەن قىلمىستى جاسادى دەپ تانىلدى جانە وعان مۇلكىن تاركىلەۋ جانە قاتاڭ رەجىمدەگى تۇزەۋ كولونياسىندا جازاسىن وتەۋ ءۇشىن 13 جىل باس بوستاندىعىنان ايىرۋ جازاسى تاعايىندالدى. ق ر ق ك- ءنىڭ 14- بابىنىڭ 2- بولىگى 2- تارماعى نەگىزىندە ا. ارەكەتىنەن قىلمىستىڭ قاۋىپتى بەلگىلەرى تانىلدى. ۇكىم كۇشىنە ەنگەن جوق.
