كول تۇبىنەن 75 جىل بۇرىنعى ۇشاق تابىلدى

بيپلان حابار-وشارسىز كەتتى دەپ سانالىپ كەلگەن.

The Local باسىلىمىنڭ جازۋىنا قاراعاندا، شۆەيتسار اۋە كۇشتەرىنە تيەسىلى EKW C-35 بارلاۋشى ۇشاعى 1941-جىلى اسكەري وقۋ-جاتتىعۋ كەزىندە اپاتقا ۇشىراپ، كولگە قۇلاعان. ول 75 جىلدان سوڭ گەرزاۋ كەنتىنە جاقىن جەردە 200 مەتر تەرەڭدىكتەن تابىلدى.

بيپلاندى ىزدەۋگە كاسىبي سۇڭگۋىر رودجەر ايحەنبەرگەر باستاعان توپ ءۇش جىلىن سارپ ەتكەن. ونىڭ ايتۋىنشا، ۇشاق 1941-جىلى 20- ماۋسىمدا اپاتقا ۇشىراعان. ەكيپاجدىڭ ەكەۋى دە پاراشيۋتپەن سەكىرگەن، الايدا ونىڭ بىرەۋى عانا امان قالعان.

ەكى ادامدىق EKW C-35 ۇشاعى وتكەن عاسىردىڭ 30-جىلدارى شۆەيتساريادا جاسالعان. بيپلاننىڭ قاناتىنىڭ ۇزىندىعى 13 مەتر، ەڭ جوعارى جىلدامدىعى - ساعاتىنا 335 كيلومەتر.

ۇشاقتىڭ ءبىر بولىگى اعاشتان جاسالعاندىقتان ونى سۋ بەتىنە شىعارۋ مۇمكىن ەمەس. سوندىقتان قازىر ونى سۋدان بۇلدىرمەي الىپ شىعۋ جايى قاراستىرىلۋدا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى