شاحماتتان وتكەن وبلىس بىرىنشىلىگىنە 75 جاستاعى اقساقال قاتىستى

وعان  قىزىلوردا قالاسى مەن اۋدانداردان قاتىسقان 6 كوماندانىڭ قۇرامىندا 40 قا جۋىق ويىنشى باق سىنادى. شاحماتشىلاردىڭ ەڭ جاسى سەگىزدە بولسا، ۇلكەنى 75 جاستاعى قىزىلوردالىق اقساقال - ەركىن بەكەنوۆ.

بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتى حابارلادى.

 ويىن شۆەيتسار جۇيەسى بويىنشا 7 تۋرعا سوزىلدى. وسى جارىستان 1, 2 ورىندى يەلەنگەن جەڭىمپاز بەن جۇلدەگەرلەر ۇستىمىزدەگى جىلدىڭ 19-28 - اقپان ارالىعىندا پاۆلودار قالاسىندا وتەتىن ەرلەر اراسىنداعى قازاقستان چەمپيوناتىنا جولداما الدى.

جارىس قورىتىندىسى بويىنشا، قىزىلوردالىقتاردىڭ مەرەيى ۇستەم بولدى. اتاپ ايتساق، 6,5 ۇپايمەن يۋرا ەگاي وبلىس جەڭىمپازى اتاندى. ءدال وسىنداي ۇپايمەن ەكىنشى ورىندى رومان سمولونوگوۆ يەلەندى. ۇپاي سانى بىردەي بولعانىمەن رومان كوەففيتسەنتى بويىنشا العا شىقتى. 5 ۇپايمەن قادىر جامالادين قولا جۇلدەنى قاناعات تۇتتى.

ايتا كەتەيىك، جارىسقا قاتىسۋشىلاردىڭ جاس ەرەكشەلىگىنە شەكتەۋ قويىلعان جوق.

اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى