ينتەرنەت ارقىلى تراكتور ساتىپ الماق بولعان پەتروپاۆلدىق 750 مىڭ تەڭگەسىنەن ايىرىلدى
سولتۇستىك قازاقستان وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، پەتروپاۆلدىڭ ەگدە جاستاعى تۇرعىنى ينتەرنەت- الاياقتىق تۋرالى ارىزبەن پوليتسياعا جۇگىندى. ايتۋىنشا، زەينەتكە شىعار الدىندا شاعىن تراكتور ساتىپ الماقشى بولعان. OLX - تە باعاسى ارزانداۋ تراكتوردى تاۋىپ، «ساتۋشىمەن» WhatsApp مەسسەندجەرى ارقىلى سويلەسكەن.
الاياق تراكتوردى باسقا قالادان الىپ كەلۋ قاجەتتىگىن سىلتاۋراتىپ، ەر ادامنان الدىن الا تولەمگە جانە جول شىعىندارىنا 750 مىڭ تەڭگە سۇراپ العان. كەيىن «ساتۋشى» بايلانىسقا شىقپاي قويادى. اتالعان فاكتى سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە «الاياقتىق» بابى بويىنشا ەنگىزىلدى. پوليتسەيلەر جەدەل-ىزدەستىرۋ ءىس-شارالارىن جۇرگىزىپ جاتىر.
«كيبەرقىلمىسكەرلەر كەز كەلگەن ۆەب-رەسۋرستا جۇمىس ىستەيدى، الايدا، ولار OLx سايتىندا ءجيى كەزدەسەدى. بۇل سايتتا ينتەرنەت- الاياقتىقتىڭ ۇشتەن ءبىر بولىگى جاسالادى. جىل باسىنان وبلىستا تىركەلگەن 335 فاكتىنىڭ 103 ى وسى سايتقا تيەسىلى. قاسكويلەر جالعان تاۋارلار مەن قىزمەتتەر ءۇشىن الدىن الا تولەم تالاپ ەتەدى. ساتۋشىلارعا «جەتكىزۋ» قىزمەتىن (OLx سايتىندا بۇنداي قىزمەت جوق) ۇسىنادى جانە ول ءۇشىن سىلتەمە ارقىلى ءوتىپ، بانك كارتالارىنىڭ دەرەكتەرىنە نگىزۋ قاجەتتىگى تۋرالى ايتادى. سىلتەمە جالعان پاراقشاعا اكەلەدى، بۇل پاراقشاعا ەنگىزىلگەن دەرەكتەر قىلمىسكەردىڭ قولىنا ءتۇسىپ، ەسەپشوتتارعا قول جەتكىزۋگە مۇمكىندىك بەرەدى»، - دەيدى س ق و پوليتسيا دەپارتامەنتى كريمينالدىق پوليتسيا باسقارماسىنىڭ اسا ماڭىزدى ىستەر جونىندەگى اعا جەدەل ۋاكىلى ۆيتالي پودچەرنين.
پوليتسەيلەردىڭ ايتۋىنشا، جاز كەزىندە ينتەرنەت- الاياقتار پاتەردى جالعا بەرۋ، جيھازدى ساتۋ تۋرالى ءجيى «ۇسىنىس» جاسايدى. الاياقتاردىڭ قۇرىعىنا كوپ جاعدايدا ايەلدەر تۇسەدى، وسىنداي213 جاعداي تىركەلگەن. ءتارتىپ ساقشىلارى سولتۇستىكقازاقستاندىقتاردى اسا ساق بولۋعا، جەكە مالىمەتتەردى ەشكىمگە بەرمەۋگە شاقىرادى. ينتەرنەتتە تاۋار ساتىپ العان جاعدايدا بەينە قوڭىراۋدى تالاپ ەتكەن ءجون: ءوز بەتتەرىن جاسىرۋ جانە تاۋاردىڭ جوق ەكەندىگىن كورسەتپەۋ ءۇشىن قىلمىسكەرلەر بۇل ۇسىنىستان باس تارتادى.
اۆتور: اقەركە داۋرەنبەك قىزى
