اسەم شاياحمەتوۆاعا «قازاق مىس» اي سايىن 750 مىڭ تەڭگە كولەمىندە جاردەماقى تولەيدى
«قازاق مىس كورپوراتسياسى» ج ش س- نىڭ 3 جاقتى: جۇمىس بەرۋشى، جۇمىسكەرلەر جانە كاسىپوداق ۇيىمىنىڭ بىرىككەن ۇجىمدىق شارتىندا كورسەتىلگەندەي،
جۇمىس كەزىندە قازا تاپقان جۇمىسكەرلەردىڭ وتباسىنا، اسىراۋشىسىنان ايىرىلعان جاعدايدا ورتاشا جالاقىنىڭ 10 جىلدىق ۇستەماقىسى بىردەن تولەنەدى. سونىمەن قاتار، قايتىس بولعانداردىڭ كامەلەتكە تولماعان بالالارىنا كامەلەت جاسىنا تولعانعا دەيىن اي سايىن تۇراقتى جاردەماقى تاعايىندالادى.
اسەم شاياحمەتوۆاعا ەمى اياقتالىپ، جازىلعاننان كەيىن، ەمنىڭ جالپى سوماسى انىقتالعان سوڭ تولەماقى تولەنەدى. كومپانيا بارلىق ەمدەۋگە كەتكەن شىعىندى ءوز موينىنا الادى. سونىمەن قاتار اسەم شاياحمەتوۆاعا ەم قابىلداۋ كەزىندە وعان اي سايىن 750 مىڭ تەڭگە كولەمىندە جاردەماقى تولەنىپ تۇرادى. كومپانيا ءبىرىنشى كۇننەن باستاپ اسەم شاياحمەتوۆانىڭ اتا- اناسىنىڭ استانا قالاسىندا تۇرۋىن قامتاماسىز ەتۋدە. اسەمنىڭ ەمى بىتكەنگە دەيىنگى جالعا العان اتا- اناسىنىڭ پاتەراقىسىن كومپانيا تولەيتىندىگى تۋرالى شەشىم قابىلدانعان.
مارقۇمداردى اقتىق ساپارعا شىعارىپ سالۋ جانە ۇيىمداستىرۋ شىعىنىن دا كومپانيا ءوز موينىنا العان بولاتىن»، - دەپ جازىلعان حابارلامادا.
