الماتىلىق 75 جاستاعى سپورتشى 7 رەكورد ورناتپاقشى
جان اتا «شىنىقساڭ - شىمىر بولارسىڭ» قاعيداتىمەن ءومىر ءسۇرىپ، كۇنىنە ەكى-ءۇش رەت جاتتىعادى. اقساقال ادامنىڭ جاسى ۇلعايسا دا، سپورتتىق ەرلىكتەرگە قابىلەتى بار ەكەنىن كورسەتتى. ءبىرىنشى رەكوردىن سوناۋ 1992-جىلى 4444 رەت وتىرىپ-تۇرۋ جاتتىعۋىن جاساپ ورناتقان. وتكەن جىلى سپورتشى التى كەلىلىك اعاش كەسەگىن 9000 رەت باسىنان جوعارى كوتەردى. بۇعان سپورتشى 4 ساعات 22 مينۋت ۋاقىتىن جۇمسادى. كەلەسى رەكوردى شامامەن جارتى جىلدان كەيىن تىركەلگەن. جان اتا 3 ساعات 3 مينۋتتىڭ ىشىندە 5105 رەت وتىرىپ-تۇرۋ جاتتىعۋىن ورىنداعان.
جان اتا بارلىعى جەتى رەكورد ورناتپاقشى. اتاپ ايتقاندا، ول «مەدەۋگە» كوتەرىلەتىن اتاقتى باسپالداقپەن قولىمەن «ءجۇرىپ» بارماقشى. بۇدان باسقا، رەكورد ورناتۋشى ادام بويىندا سوققىدان اۋىرۋ سەزىمىن ءۇش-بەس مەتر قاشىقتىقتا تۋدىرتا الاتىنىن كورسەتپەك. سۋپەرمەن بۇل ءادىسىن ەرىك بىلدىرگەن ءۇش ءتىلشى ارقىلى كورسەتپەكشى.
