بيىل 75,4 ميلليارد تەڭگەنىڭ شاعىن نەسيەسى بەرىلەدى

بۇل ىسكە وڭىردەگى اكىمدىكتەر مەن «اتامەكەن» ۇلتتىق كاسىپكەرلەر پالاتاسى اتسالىسادى، دەپ حابارلايدى قازاقپارات ءتىلشىسى.

ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ ۇكىمەت وتىرىسىندا وسىنداي مالىمەت بەردى.

«بيىل جۇمىسپەن قامتۋدىڭ جول كارتاسىن ىسكە اسىرۋعا 300 ميلليارد تەڭگە كوزدەلگەن. ونىڭ ىشىندە مەملەكەت باسشىسىنىڭ تاپسىرماسى بويىنشا ۇلتتىق بانكتىڭ وبليگاتسيالىق قارىزى ەسەبىنەن 200 ميلليارد تەڭگە قاراستىرىلعان. بيىل جول كارتاسى حالىقتىڭ ءومىر ءسۇرۋ ساپاسىن ارتتىرۋ، شاعىن جانە ورتا بيزنەستى دامىتۋ، اگروونەركاسىپتىك كەشەندى دامىتۋ، وڭىرلەردە بيزنەستى دامىتۋ سياقتى ءتورت باعىت بويىنشا ىسكە اسىرىلادى»، - دەدى مينيستر.

ۆەدومستۆو باسشىسى بولىنگەن قاراجاتتىڭ تەڭ جارتىسىنا جۋىعى حالىقتىڭ تۇرمىسىن جاقسارتۋعا باعىتتالىپ جاتقانىن اتادى.

«قارجىلاندىرۋ ليميتتەرى جۇمىس كۇشىنىڭ ۇلەسىنە سايكەس ايقىندالىپ، وڭىرلەر بويىنشا ءبولىندى. قاراجاتتىڭ نەگىزگى بولىگى %42,5 ى نەمەسە 127,5 ميلليارد تەڭگە حالىقتىڭ ءومىر ءسۇرۋ ساپاسىن ارتتىرۋعا باعىتتالادى. اگروونەركاسىپتىك كەشەندى دامىتۋعا - 100 ميلليارد تەڭگە، (%33,3)، وڭىرلەردە بيزنەستى دامىتۋعا جانە «اتامەكەن» ۇكپ مەن جەرگىلىكتى اتقارۋشى ورگانداردىڭ قاتىسۋىمەن ميكروقارجى ۇيىمدارى ارقىلى ميكروكرەديت بەرۋگە - 72,5 ميلليارد تەڭگە %24, 2 باعىتتالعان»، - دەدى سەرىك شاپكەنوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى