تۇركيادان شىققان قازاقستاندىق 74 جۇك كولىگى ەلگە جەتە الماي تۇر
وسى جانجالدىڭ سالدارى رەتىندە تۇركيادان شىققان قازاقستاندىق 74 جۇك كولىگى ءبىر اپتادان بەرى ەلگە جەتە الماي تۇر. وسى ماسەلەگە بايلاناستى «اتامەكەن» ۇلتتىق كاسىپكەرلەر پالاتاسى رەسەيدىڭ كەدەن قىزمەتىنە رەسمي حابارلاما جولدادى.
مىنا بەينەكادرلاردى جۇرگىزۋشىلەردىڭ وزدەرى جىبەرگەن. ايتۋلارىنشا، كولىكتەردىڭ العاشقى لەگى 25-قاراشادا ساپارعا شىققان. ۋكراينا جانە گرۋزيا ارقىلى ءوتىپ، رەسەي شەكاراسىندا توقتاپ قالادى. ودان بەرى ون تاۋلىك ءوتتى. كەدەنشىلەر سەبەبىن تۇسىندىرمەيدى. تيەلگەن ازىق- تۇلىك پەن كيىم- كەشەك قازاقستانعا جەتكىزىلۋى كەرەك. جۇرگىزۋشىلەردىڭ ءتىپتى تاماققا جۇمسار اقشالارى تاۋسىلعان. «اتامەكەن» پالاتاسى رەسەيلىك كەدەنشىلەردى ەۋرازيالىق وداق اياسىنداعى تاسىمالداۋ ەرەجەلەرىن ورىنداۋعا شاقىرىپ وتىر.
