اسكەري قىزمەتشىلەردىڭ 74 پايىزى كەلىسىم شارت بويىنشا قىزمەت ەتۋدە - فوتو
قازىرگى ۋاقىتتا ق ر ق ك اسكەري قىزمەتشىلەرى جالپى سانىنىڭ 74 پايىزى كەلىسىم شارت بويىنشا قىزمەت ەتۋدە. بۇنىڭ مولشەرى جىل سايىن 4-5 مىڭ ادامعا ۇلعايىپ كەلەدى.
كەلىسىم شارت بويىنشا قىزمەتكە قابىلداناتىن اسكەري قىزمەتشىلەر مەملەكەت تاراپىنان قوماقتى الەۋمەتتىك قولداۋ كورەدى.
كەلىسىم شارت بويىنشا اسكەري قىزمەتشى مەن ونىڭ وتباسى مۇشەلەرى تۇرعىن ۇيمەن قامتاماسىز ەتىلەدى نەسە ونى جالداعانى ءۇشىن وتەماقى الادى. جەكەشەلەندىرۋ قۇقىعى بارلاردان باسقاسى اسكەري قىزمەتتەن بوساعان جاعدايدا قىزمەتتىك تۇرعىن ءۇيدى قايتارادى.
سونىمەن قاتار تەگىم مەديتسينالىق قىزمەت كورسەتۋ كوزدەلگەن. جيىرما جىلدان ارتىق ەڭبەك ءسىڭىرىپ قىزمەتتەن بوساتىلعاندار اسكەري- مەديتسينالىق مەكەمەلەردە تەگىن ەمدەلۋىن جالعاستىرادى، ال جيىرما بەس جىلدان اسا قىزمەت ەتكەندەر ساناتورلىق-كۋرورتتىق ەمدەلۋمەن قامتاماسىز ەتىلەدى.
تۇرعىن ءۇي بەرىلۋى مەن تەگىن مەديتسينالىق قىزمەت كورسەتۋدەن باسقا كەلىسىم شارت بويىنشا اسكەري قىزمەتشى مەن ونىڭ وتباسى مۇشەلەرى باسقا ورىنعا كوشكەن جاعدايدا اۋە، تەمىرجول، سۋ جولى جانە اۆتوموبيل كولىكتەرى قىزمەتتەرىن تەگىن پايدالانادى، سونداي-اق بالالارىنا بالاباقشادان كەزەكتەن تىس ورىن بەرىلەدى.
كەلىسىم شارت بويىنشا قىزمەت - سانالى تۇردە جانە كاسىبي نەگىزدە ەرىكتى وتان قورعاۋشى بولۋ مۇمكىندىگى. بۇگىنگى تاڭدا قازاقستان ارمياسى ارالاس جاساقتاۋ پرينتسيپىن ۇستانۋدا، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
