گولوۆكين مەن ساۋل الۆارەس ايقاس ايقاسىندا بيلەتتەرىنىڭ ەڭ قىمباتى 7490 دوللار
«گولوۆكين كومانداسىنان، مەنىڭ دوستارىم جانە Life in Motion Group-تاعى سەرىكتەستەرىمنەن ءوزىڭنىڭ VIP- بيلەتىڭدى ال»، - دەپ جازدى گەننادي تۆيتتەردەگى پاراقشاسىندا.
Life in Motion Group كومپانياسىنىڭ گولوۆكين كومانداسىمەن جۇمىس ىستەپ كەلە جاتقانىنان بەس جىل بولدى. ول GGG ايقاستارىنا VIP- رۇقساتتاما ۇيىمداستىرۋمەن اينالىسادى. ءبىر ادامعا ارنالعان ەڭ ارزان VIP- بيلەتىنىڭ (GGG Blue Package) باعاسى 1250 دوللار (416260 تەڭگە)، ال، (GGG Platinum Package) ەڭ قىمباتى - 7490 دوللار (2494170 تەڭگە). سوڭعى بيلەتكە ەڭ جاقسى ورىندار، GGG كومانداسى توقتايتىن قوناقۇيدەن ورىن، اۋەجايعا جانە اۋەجايدان ترانسفەرلەر، GGG- دەن فيرمالىق سىيلىق جيىنتىعى جانە قولتاڭبا قويىلعان ەكسكليۋزيۆتى قولعاپتار كىرەدى. گولوۆكين- الۆارەس جەكپە-جەگى 16 -قىركۇيەك كۇنى لاس- ۆەگاستاعى T- Mobile Arena-دا وتەدى.
