اتىراۋدا مۇز ويىعىنا ءتۇسىپ كەتكەن 73 جاستاعى بالىقشى اجەي قۇتقارىلدى

وبلىستىق ت ج د مالىمەتى بويىنشا، بۇل وقيعا تۋرالى قوڭىراۋ 5 -ناۋرىز كۇنى 14:24-تە كەلىپ تۇسكەن. جيلگورود جانە اۆانگارد اۋداندارى اراسىنداعى جاياۋ جۇرگىنشىلەر كوپىرىنىڭ ماڭىندا مۇز جارىعىنا ادام ءتۇسىپ كەتكەن.

وقيعا ورنىنا شۇعىل باتىس اەروموبيلدىك جەدەل قۇتقارۋ وتريادى جونەلەدى. ولار 16 مينۋتتا جەتكەن. قۇتقارۋشىلار بارعانشا 1944 -جىلى تۋعان ايەلدى بالىقشىلار ءوز كۇشىمەن مۇز استىنان الىپ شىققان ەكەن. جەدەل جاردەم دە كەلىپ جەتكەن، الايدا بالىقشى اجەي اۋرۋحاناعا بارۋدان باس تارتىپ، ءوزى ۇيىنە كەتكەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى