بيىل قازاقستاندا 73 مەكتەپ قۇرىلىسى اياقتالادى

«2014 - جىلى جالپى سوماسى 51,1 ميلليارد تەڭگە قۇرايتىن رەسپۋبليكالىق بيۋدجەت قارجىسى ەسەبىنەن 73 مەكتەپتىڭ قۇرىلىسىن اياقتاۋ جوسپارلانعان. ولاردىڭ 29 ى ءۇش اۋىسىمدى جانە اپاتتى مەكتەپتەردىڭ ورنىنا بوي كوتەرسە، 35  ءى ورىن تاپشىلىعىن جويۋ ءۇشىن، ال 9 ى حالىقتىڭ دەموگرافيالىق وسىمىنە بايلانىستى سالىنادى. مەكتەپتەردىڭ باسىم بولىگى مەملەكەتتىك تىلدە ءبىلىم بەرەتىن بولادى» ، - دەلىنگەن حابارلامادا.

 سونىمەن قاتار مينيسترلىكتىڭ اتاپ وتۋىنشە، 2015 - جىلى رەسپۋبليكالىق بيۋدجەت ەسەبىنەن 47 جاڭا مەكتەپ سالۋ جوسپارلانىپ وتىر. ونىڭ 28  ءى ءۇش اۋىسىمدى جانە اپاتتى مەكتەپتەردى جويۋ ءۇشىن سالىنادى. ال 17 سى ورىن تاپشىلىعىن جويۋ ءۇشىن، 35  ءى حالىقتىڭ دەموگرافيالىق وسىمىنە وراي بوي كوتەرەدى.

 «ءبىلىم بەرۋ نىساندارىن جاڭا وقۋ جىلىنا دەر ۋاقىتىندا جانە ساپالى دايىنداۋ ماقساتىندا 538 مەكتەپتە جالپى سوماسى 26221,5 ميلليون تەڭگەگە كۇردەلى جوندەۋ جۇمىستارى جۇرگىزىلدى» ، - دەلىنگەن مينيسترلىك اقپاراتىندا.

 ايتا كەتەرلىگى، 2013-2014  وقۋ جىلىندا رەسپۋبليكادا 180 اپاتتى مەكتەپ جانە ءۇش اۋىسىمدا ساباق وتكىزەتىن 104 ءبىلىم وشاعى بولعان ەدى.

 اۆتور:  مارلان جيەمباي 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى