قازاقستان مەن قىتاي اراسىندا ەكى جىلدا 73,5 ميلليارد دوللاردىڭ ينۆەستيتسيالىق كەلىسىمىنە قول قويىلدى - فوتو
بۇل تۋرالى قىتاي مەن ورتالىق ازيا ىنتىماقتاستىعىنىڭ 3- فورۋمىندا ق ح ر- داعى ق ر توتەنشە جانە وكىلەتتى ەلشىسى شاحرات نۇرىشيەۆ حابارلادى.
«قىتايمەن قاتىناستى دامىتۋ - قازاقستاننىڭ سىرتقى ساياساتىنىڭ باسىم باعىتتارىنىڭ ءبىرى. قازاقستان سەنىمدى ىسكەرلىك ارىپتەس رەتىندە قىتايدى جوعارى باعالايدى. ءبىز ەكىجاقتى ساۋدا- ەكونوميكالىق جانە ينۆەستيتسيالىق ىنتىماقتاستىقتا ەلەۋلى ناتيجەلەرگە قول جەتكىزدىك.
تەك سوڭعى ەكى جىلدا جالپى سوماسى 73,5 ميلليارد دوللارعا ينۆەستيتسيالىق جوبالارلى ىسكە اسىرۋ بويىنشا ەكىجاقتى قۇجاتتارعا قول قويىلدى»، - دەدى ول.
ش. نۇرىشيەۆ يندۋستريالدىق- يننوۆاتسيالىق ارىپتەستىكتى دامىتۋعا ەكى ەلدىڭ مۇددەلىلىگىن، قىتاي تاراپىنىڭ «جىبەك جولى ەكونوميكالىق بەلدەۋىن» قۇرۋ باستاماسىن، قازاقستاننىڭ ترانزيتتىك- كولىكتىك الەۋەتىن، ونىڭ ىشىندە «باتىس ەۋروپا- باتىس قىتاي» اۆتوموبيل ماگيسترالىن (قازاقستاندىق ۋچاسكەدە جۇك اعىنىنىڭ كۇتىلەتىن كولەمى - جىلىنا 30 ميلليون تونناعا دەيىن)، «جەزقازعان- بەينەۋ» تەمىر جول تورابىن (قىتايدى ق ر ارقىلى كاسپي پورتىمەن قوستى)، قىتايلىق ليانيۋنگان پورتىندا قازاقستاندىق لوگيستيكالىق تەرمينالدى (رەسەي مەن ورتالىق ازيا ارقىلى ەۋروپا مەن ازيا- تىنىق مۇحيتى وڭىرلەرى اراسىنداعى تەمىر جول بويىنشا تىكەلەي قاتىناس) ىسكە اسىرۋ كونتەكسىندە ق ر ءرولى مەن ءمانىن اتاپ ءوتتى.
سونىمەن قاتار، ديپلومات تاۋەلسىزدىك جىلدارداعى ق ر الەۋمەتتىك- ەكونوميكالىق دامۋ جولىنداعى جەتىستىكتەرىن، الەمدىك داعدارىستى جاعدايدا قازاقستاندىق ەكونوميكانىڭ ودان ءارى ءوسۋىن قامتاماسىز ەتۋ ءۇشىن ەل باسشىلىعى قابىلداعان شارالار («قازاقستان-2030» جانە «قازاقستان-2050» ستراتەگيالارى، ءۇييدب، «نۇرلى جول» باعدارلاماسى) جايىندا ايتتى.
ش. نۇرىشيەۆ رى جياۋ قالاسىنىڭ بيزنەس وكىلدەرىن، ءشاندۇڭ پروۆينتسياسىن ەكىجاقتى ىنتىماقتاستىقتىڭ جاڭا باعىتتارىن دامىتۋعا، سونداي- اق لوگيستيكالىق، كولىكتىك جانە يندۋستريالدىق سالالاردا بىرلەسكەن جوبالاردى ىسكە اسىرۋعا بەلسەندى قاتىسۋعا شاقىردى.
