قازاقستاندىقتاردىڭ ءومىر ءسۇرۋ ۇزاقتىعى 71 جاسقا دەيىن ءوستى - نۇرسۇلتان نازاربايەۆ

بۇل تۋرالى بۇگىن «جەزقازعان- بەينەۋ» جانە «ارقالىق- شۇباركول» ەكى جاڭا تەمىر جول تارماعىنىڭ اشىلۋ سالتاناتىندا قازاقستان پرەزيدەنتى نۇرسۇلتان نازاربايەۆ ءمالىم ەتتى.

« ءبىز ايەلدەردىڭ بوسانۋى كەزىندە قانشا انا مەن بالادان ايىرىلدىق. قازىردە ءولىم- ءجىتىم كۇرت تومەندەپ، حالىق سانى وسۋدە. سوڭعى التى جىلدا قازاقستاندىقتاردىڭ ورتاشا ءومىر ءسۇرۋ ۇزاقتىعى 66 دان 71 گە دەيىن كوتەرىلدى. بۇل تاۋەلسىزدىك العان جىلداردان بەرگى ەكونوميكامىزدىڭ جەتكەن باستى جەتىستىكتەرىنىڭ ءبىرى دەۋگە بولادى» ، - دەپ اتاپ ءوتتى ن. نازاربايەۆ.

پرەزيدەنت ءتورت جىل بۇرىن 200 مىڭ ادام جۇرەككە وتا جاساتۋدىڭ كەزەگىندە تۇرعاندىعىن ايتتى. «ولار باتىستا وتا جاساتۋ ءۇشىن 30 مىڭ دوللار تابا المادى. قازىر وبلىس ورتالىقتارىندا، ءىرى قالالاردا سونداي وتا جاسايتىن كارديولوگيالىق ورتالىقتار سالىندى. بۇل مىڭداعان ادامداردىڭ ومىرىنە اراشا بولدى» ، - دەپ اتاپ ءوتتى ن. نازاربايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى