بيىل ەۋرو وداققا 710 مىڭنان استام ميگرانت كەلدى
«بيىلعى جىلدىڭ توعىز ايىنىڭ ىشىندە ە و- نىڭ سىرتقى شەكارالارىنان وتكەن ميگرانتتاردىڭ جالپى سانى 710 مىڭ ادامنان اسقان»، - دەلىنگەن اگەنتتىكتىڭ حابارلاماسىندا.
ميگرانتتاردىڭ ەڭ كوپ اعىنى گرەك ارالدارىنا جىبەرىلدى. اتاپ ايتقاندا، قاڭتاردان قىركۇيەك ايىنا دەيىن گرەكياعا 350 مىڭ ميگرانت كەلدى، سونىڭ ىشىندە كوپ بولىگىن سيريا بوسقىندارى قۇراپ وتىر.
يتالياعا ليۆيادان كەلگەن ادامداردىڭ سانى، كەرىسىنشە، ازايىپ بارادى. وعان اۋا رايىنىڭ قولايسىز جاعدايى سەبەپ بولىپ وتىر. يتاليا بيلىگى جىل باسىنان بەرى 129 مىڭ ميگرانتتى تىركەگەن، سونىڭ ىشىندە كوبى - ەريترەيا ازاماتتارى.
بۇل رەتتە رەسمي مالىمەتتەرگە قىركۇيەكتىڭ ەكىنشى جارتىسىندا سەرب- ۆەنگر شەكاراسىنىڭ جابىلۋىنان كەيىن ە و- قا حورۆاتيا ارقىلى كەلگەن 97 مىڭ ادام ەنگىزىلگەن جوق.
ە و كوشباسشىلارى كوشى- قون داعدارىسىن كەزەكتى رەت 15-16- قازان كۇندەرى بريۋسسەلدە وتەتىن سامميتتە تالقىلاماق.
