وتانداستارىمىزدىڭ 71,3 پايىزى سوت ورگاندارىنا ءدان ريزا

بۇل تۋرالى ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە «ق ر سوتتارىنىڭ قىزمەتىنە قاناعاتتانۋشىلىق ماسەلەسى بويىنشا الەۋمەتتىك ساۋالنامانىڭ ناتيجەسى تۋرالى ەسەپتىڭ تانىستىرىلىمى» تاقىرىبىندا وتكەن باسپا ءسوز ءماسليحاتىندا بەلگىلى بولدى.

«زاڭ ۇستەمدىگىن قامتاماسىز ەتۋ - ب ۇ ۇ د ب جۇمىسىنداعى نەگىزگى باعىتتاردىڭ ءبىرى. وسى ورايدا سوت جۇيەسىنىڭ جۇمىسىنداعى ساپالى وزگەرىستەردىڭ دەڭگەيىن انىقتاۋ ءۇشىن قازاقتاننىڭ بارلىق وڭىرلەرىندەگى سوت قىزمەتىن پايدالانۋشىلارعا الەۋمەتتىك زەرتتەۋ جۇرگىزىلگەن بولاتىن. ساۋالناماعا رەسپۋبليكاداعى 193 سوت قامتىلىپ، 12 مىڭنان استام رەسپوندەنت قاتىستى»، - دەپ اتاپ ءوتتى باسپا ءسوز ءماسليحاتىنا قاتىسقان ب ۇ ۇ د ب- نىڭ قازاقستانداعى تۇراقتى وكىلىنىڭ ورىنباسارى مۋنحتۋيا التانگەرەل.

ال قۇقىقتىق ساياساتتى زەرتتەۋشى نازگۇل ەرعالييەۆانىڭ ايتۋىنشا، اتالعان تاۋەلسىز الەۋمەتتىك ساۋالناماعا قاتىسقان رەسپوندەنتتەردىڭ %71,3 ى سوت ورگاندارىنا كوڭىلى تولاتىنىن ايتقان.

«اعىمداعى جىلدىڭ اقپان- مامىر ايلارىندا جۇرگىزىلگەن ساۋالناما كەزىندە ءبىز ءادىل سوت تيىمدىلىگى جونىندەگى ەۋروپالىق كوميسسيانىڭ جانە سوتتاردى جەتىلدىرۋدىڭ حالىقارالىق كونسورتسيۋمىنىڭ ادىستەمەلىك ۇسىنىستارىن قولداندىق. جۇرگىزلگەن زەرتتەۋ ناتيجەسى بويىنشا، ساۋالناماعا قاتىسقانداردىڭ %71,3 ى سوت ورگاندارىنا كوڭىلى تولاتىندىقتارىن ايتتى. تالداۋ كورسەتكەندەي، سوتتىڭ تاراپتار ۇسىنعان نەگىزدەر مەن دالەلدەرگە تولىق كوڭىل ءبولۋى جانە سۋدياعا سەنۋ سەكىلدى فاكتورلار ساۋالناماعا قاتىسۋشىلار قاناعاتىنىڭ جالپى دەڭگەيىنە اسەر ەتكەن. بۇل فاكتورلار سايكەسىنشە %77,4 جانە %78,3 دى قۇراعان»، - دەپ ءتۇسىندىردى ن. ەرعاليەۆا.

اۆتور: ءابۋ-اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى