بيىل وتاندىق 70 كومپانيا اليبابا پلاتفورماسىنا شىعارىلادى
«مينيسترلىك شاعىن جانە ورتا بيزنەس ءۇشىن ەلەكتروندىق كوممەرتسيا نارىعىنا قولجەتىمدىلىكتى جەڭىلدەتۋ ءۇشىن ىنتىماقتاستىققا جانە بىرلەسكەن جۇمىسقا دايىن. ءبىز ولاردىڭ مول تاجىريبەسىن پايدالانا وتىرىپ، ءوز كۇش- جىگەرىمىزدى قازاقستاندىق كاسىپورىنداردى سيفرلىق نارىققا شىعارۋعا باعىتتايمىز. ەكسپورتتاۋشىلاردى قارجىلىق ەمەس قولداۋ قۇرالدارىنىڭ ءبىرى - وتاندىق ەكسپورتتاۋشىلاردى Alibaba.com ەلەكتروندىق پلاتفورماسىنا شىعارۋ»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
جالپى، ونىڭ دەرەگىنشە، 2020-2022 -جىلدارى Alibaba پلاتفورماسىنا 220 كومپانيا ورنالاستىرىلدى. پلاتفورمادا ورنالاسقان كومپانيالار ءۇشىن شاعىن سايتتار قۇرىلادى. پلاتفورمادا جۇمىس ىستەۋ جانە ءوز تاۋارلارىن جىلجىتۋ ءۇشىن وقىتۋ ۆەبينارلارى وتكىزىلەدى.
«اتالعان كەزەڭدە باعدارلاماعا قاتىسۋشىلاردىڭ جيىنتىق ساتۋ كولەمى شامامەن 225 ميلليون ا ق ش دوللارىن قۇرادى. بيىل ءبىز التىن اككاۋنتتار جۇمىسىن جالعاستىرامىز جانە تاعى 70 كومپانيا اتالعان مۇمكىندىككە يە بولادى»، - دەدى قايرات تورەبايەۆ.
