قاتارعا ەكسپورت كولەمىن 70 ميلليون دوللارعا جەتكىزۋگە بولادى - جۇمانعارين

«پارسى ايماعىندا ورنالاسقان قاتار كۇردەلى مەملەكەت. سەبەبى وتە باي. قارىم- قاتىناسىمىز بۇرىننان جاقسى. بۇگىن ەكى شارتقا قول قويامىز. ءبىرىنشىسى - مەترولوگيا مەن سەرتيفيكاتسيا جونىندە. ول ەرتەڭ ءبىزدىڭ تاۋارلارعا جول اشادى. ەكىنشىسى ساۋدا- ەكونوميكالىق ىنتىماقتاستىق تۋرالى. ولدا الداعى ۋاقىتتا ساۋدا- ەكونوميكالىق قارىم- قاتىناسىمىزعا قۇقىقتىق بازا قالىپتاستىراتىن كەلىسىمشارت بولادى»، - دەدى ول اقوردادا ب ا ق وكىلدەرىنىڭ ساۋالىنا وراي.

سونىمەن قاتار مينيستر بۇگىندە قازاقستان مەن قاتار اراسىنداعى تاۋار اينالىمى وتە تومەن ەكەندىگىن ايتتى.

«تەك 3 ميلليون دوللار عانا. ءبىراق، ءبىز ارنايى ەسەپ جاسادىق. قازىرگى ۋاقىتتاعى ەكسپورتتىق مۇمكىنشىلىگىمىزدى 70 ميلليون دوللارعا دەيىن جەتكىزۋگە بولادى»، - دەدى سەرىك جۇمانعارين.

«قاتاردىڭ Hassad Food دەگەن ۇلكەن اگروكورپوراتسياسى بار. ول بىزدەن قوي ەتىن ساتىپ الادى. ال Baladnа كورپوراتسياسى (قاتاردىڭ ءىرى قارا مال شارۋاشىلىعىمەن جانە ءسۇت ونىمدەرىن وندىرۋمەن اينالىساتىن كومپانياسى) قازاقستانعا ءىرى قارا مال شارۋاشىلىعىنا ينۆەستيتسيا سالۋعا دايىن. قارجى سالاسىندا استانا حالىقارالىق قارجى ورتالىعىمەن ءبىرقاتار جۇمىس ىستەلدى. ولار قازىر بيرجاعا كىرىپ جاتىر. جالپى، ءبىراز سالادا قارىم- قاتىناسىمىز، ىنتىماقتاستىعىمىز دامىپ كەلەدى»، - دەدى ول اقوردادا ب ا ق وكىلدەرىنىڭ ساۋالىنا وراي.

ايتا كەتەيىك، اقوردادا مەملەكەت باسشىسى قاسىم- جومارت توقايەۆ مەملەكەتتىك ساپارمەن كەلگەن قاتار ءامىرى شەيح ءتاميم بەن حاماد ءال ءتانيدى قارسى الدى.

اۆتور

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى