جابايى شوشقا اسىراعان 70 جاستاعى الماتىلىق جاۋاپقا تارتىلدى

اتالعان فاكتىنى تابيعاتتى قورعاۋ پوليتسياسى قىزمەتكەرلەرى ماقساتتى ءىس-شارا جۇرگىزۋ بارىسىندا انىقتادى. جابايى شوشقا «اقساي مەديك» باعباندىق قوعامىنىڭ ۇيلەرىنىڭ بىرىنەن تابىلدى. «ەستەرىڭىزگە سالا كەتەيىن، تابيعاتتى قورعاۋ زاڭناماسىن بۇزۋ، براكونەرلىك، بيولوگيالىق رەسۋرستاردىڭ زاڭسىز اينالىمى فاكتىلەرىن، سونداي-اق ەكولوگيالىق قىلمىستاردى اشۋ فاكتىلەرىن انىقتاۋ جانە جولىن كەسۋ ماقساتىندا 20-قازان مەن 19-قاراشا ارالىعىندا «براكونەر» جالپى رەسپۋبليكالىق جەدەل-الدىن الۋ ءىس-شاراسى وتكىزىلۋدە. ءىس-شارا شەڭبەرىندە ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتىنىڭ اۋماقتىق ورگاندارىمەن بىرلەسىپ جەدەل- ىزدەستىرۋ توپتارى قۇرىلدى. بۇل جاعدايدا 70 جاستاعى ازامات م. ق ر ا ق ب ك-نىڭ 389-بابى 1-بولىگى بويىنشا جاۋاپكەرشىلىككە تارتىلدى. اتالعان ءوندىرىس ماتەريالدارى سوت قۇزىرەتىنە سايكەس شەشىم قابىلداۋ ءۇشىن سوتقا جىبەرىلەدى»، - دەدى ناۋرىزباي اۋداندىق پوليتسيا باسقارماسىنىڭ باستىعى ديدار احانوۆ.

اۆتور: دۋمان ارعىنگەلدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى