كينەماتوگرافيا سالاسىنداعى قاراجاتتىڭ 70 پايىزى تاريحي، پاتريوتتىق كارتينالارعا باعىتتالماق

بۇل تۋرالى مادەنيەت جانە سپورت ءمينيسترى اقتوتى رايىمقۇلوۆا ءمالىم ەتتى، دەپ حابارلايدى قازاقپارات ءتىلشىسى.

«2021 -جىلى كينەماتوگرافيا سالاسىندا جىل سايىنعى مەملەكەتتىك قارجىلاندىرۋدىڭ جالپى كولەمىنىڭ % 70- ىن تاريحي، پاتريوتتىق جانە يميدجدىك كارتينالارعا، ال قالعان % 30- ى مولشەرىندەگى قاراجاتتى جەكە كينوجوبالاردى جانە جاس تالانتتاردىڭ دەبيۋتتىك فيلمدەرىن قارجىلاندىرۋعا باعىتتاۋ كوزدەلگەن. وسى ارقىلى كينوءوندىرىس سالاسىندا جاڭا بيۋدجەتتىك ساياساتتى ىسكە اسىرۋ جونىندەگى جۇمىستى جانداندىرىلادى»، - دەدى اقتوتى رايىمقۇلوۆا مينيسترلىكتىڭ القا ماجىلىسىندە.

ونىڭ ايتۋىنشا كينو وندىرىسىنە جىل سايىن بولىنەتىن مەملەكەتتىك قاراجاتتىڭ كۇردەلى قويىلىمدى تاريحي فيلمدەر شىعارۋ ءۇشىن كەمىندە % 50- ىن «قازاقفيلم» كينوستۋدياسىنا جىبەرۋگە مۇمكىندىك بەرەتىن نورمانى زاڭنامالىق دەڭگەيدە كوزدەۋ قاجەت. سونىمەن قاتار، مەملەكەت باسشىسىنىڭ تاپسىرماسىن ىسكە اسىرۋ اياسىندا جاقىن ارادا شاكەن ايمانوۆ اتىنداعى «قازاقفيلم» ا ق مودەرنيزاتسياسىن ساپالى جۇزەگە اسىرۋ كەرەك.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى