الماتىلىقتاردىڭ %70 قاشىقتان جۇمىس ىستەۋى مۇمكىن
«كارانتين رەجيمى قالاداعى قايناعان تىرشىلىكتىڭ جاڭا ەرەجەلەر بويىنشا جۇزەگە اسىرىلاتىنىن بىلدىرەدى. بۇگىن قالا قۇرىلىمى باسشىلارىنا ەڭبەك ۇجىمدارىنىڭ 70 پايىزىن قاشىقتان جۇمىس جاساۋعا كوشىرۋدى تاپسىردىم. مەنشىك فورماسىنا قاراماستان كەز كەلگەن كاسىپورىن باسشىسىنا وسىنداي ۇسىنىس ايتامىن. كارانتين قولايسىز ەكەنى راس. ءبىراق بۇل ماجبۇرلىكتەن تۋىندايدى» ، - دەدى ول.
اكىمنىڭ ايتۋىنشا، كارانتين قالا تۇرعىندارىنىڭ قاۋىپسىزدىگى ءۇشىن ەنگىزىلىپ وتىر. «توتەنشە جاعداي كەزىندە بارلىعىمىز بىرىگۋىمىز ءتيىس. بۇل جاعدايدا ءار ازاماتتىڭ ءتارتىبى مەن وي ساناسى وتە ماڭىزدى. مۇنداي قيىندىقتان ءبىزدى تەك بىرلىگىمىز بەن ءبىر- بىرىمىزگە قولداۋىمىز، تارتىپتىلىگىمىز عانا الىپ شىقپاق. ءبىز قيىندىقتى جەڭەمىز!» ، - دەدى شاھار باسشىسى. ايتا كەتۋ كەرەك، الماتى مەن نۇر- سۇلتان قالالارىندا كارانتين رەجيمى 19 - ناۋرىزدا تۇنگى ساعات 00:00 دە ەنگىزىلەدى.
