شىعىس قازاقستاندا ءبىر ءۇيدىڭ 70 قويىن قاسقىر تارتىپ كەتتى
«مەن قويدى ءوزىم جەكە باعامىن. كەشكە ورىستەن كەيىن قوراعا قاماعانمىن. تاڭەرتەڭ كەلگەنىمدە مالدىڭ جايراپ جاتقانىن كوردىم. امان قالعاندارى بۇرىش- بۇرىشقا تىعىلىسىپ تۇر. ويلاپ قاراساڭىز، 70 باس دەگەن ەكى ءۇيدىڭ قويى عوي. باسىمىزدا نەسيە بار، قالاداعى بالانىڭ وقۋىنىڭ قاراجاتى بار، ولاردى وسى قويدى ساتىپ تولەيتىن ەدىك» ، - دەيدى نازار سادۋاقاسوۆ.
ويدا- جوقتا ويسىراي شىعىندالعان مالشىنىڭ ساناسىندا سۇراق پەن ۇرەي بار. سۇراعى: مەملەكەتتەن وتەماقى بولا ما؟ ۇرەيى: يت- قۇس كۇن ساناپ كوبەيىپ كەلەدى. بارا- بارا ادامعا شاۋىپ جۇرمەي مە؟ ال مىلتىقتى رۇقسات قاعاز بولسا دا ۇستاتپايدى.
«پسيحولوگيالىق بولسىن، زاڭدىق بولسىن، بارلىق تەكسەرۋدەن ءوتىپ، مىلتىققا رۇقسات الدىق. الايدا قارۋىمىز سەيفتە بوسقا تۇر. ۇستاتپايدى. نەگە ەكەنى تۇسىنىكسىز. جىل سايىن مەرزىمىن ۇزارتۋ ءۇشىن اقشاسىن تەككە تولەپ وتىرمىز. قاسقىر بولسا كوبەيىپ كەلەدى» ، - دەيدى تۇرعىن.
ال اۋىل اكىمىنىڭ ايتۋىنشا، مال جەكەمەنشىك بولعاندىقتان مەملەكەتتەن وتەماقى تولەنبەيدى.
«مال يەسىمەن كەزدەسىپ، ءمان- جايدى كوزبەن كوردىم. قوراسى اۋىلدىڭ جوعارى جاعىندا، ەندى باسقا مالىن امان ساقتاۋ ءۇشىن تۇندە كۇزەتۋ كەرەگىن ايتتىق. اۋداننان قاسقىردى اتقىزۋ ءۇشىن اڭشىلاردى شاقىرتىپ قويدىق. مال جەكەمەنشىك بولعاندىقتان مەملەكەتتەن وتەماقى تولەنبەيدى. ءيا، ساقتاندىرۋ جۇيەسى بولسا جاقسى- اق ەدى. ءقازىر حالىق تىم قۇرىسا مىلتىق ۇستاۋعا رۇقسات سۇراپ وتىر. سەبەبى جىرتقىش كوبەيىپ كەتتى. ونى قويىپ جازدا، ايۋ دا تۇسكەن بولاتىن» ، - دەيدى احمەت- بۇلاق اۋىلىنىڭ اكىمى داۋىتبەك نيازبەكوۆ.
پوليسيا وسى وقيعاعا قاتىستى كەيىن تۇسىنىكتەمە بەرەتىندىگىن حابارلادى.
ەسەنتاي ايت ۇلى
