جۇكتى كەلىنشەكتەر 70 ميلليون تەڭگەنى ۇپتەپ كەتكەن

«ول ايەلدەر الماتى قالاسىنىڭ كاسىپكەرلەرى اتىنان جۇكتىلىك پەن بوسانۋعا، سونداي-اق بالا كۇتىمىنە ارنالعان الەۋمەتتىك تولەمدەردى ۇپتەپ كەتكەن. مەملەكەتكە كەلگەن شىعىننىڭ جالپى سوماسى 70 ميلليون تەڭگەدەن اسىپ جىعىلادى. قازىرگى كەزدە اتالعان قىلمىستىق ءىس سوتقا جىبەرىلدى»، - دەدى ەكونوميكالىق تەرگەۋلەر دەپارتامەنتىنىڭ پروفيلاكتيكالى جۇمىس جانە باقىلاۋ ءبولىمىنىڭ باستىعى ارمان ەسەمبايەۆ استانادا وتكەن باسپا ءسوز ءماسليحاتىندا.

ايتا كەتەيىك، بۇگىن ق ر قارجى مينيسترلىگىنىڭ مەملەكەتتىك كىرىستەر دەپارتامەنتى ەكونوميكالىق تەرگەۋلەر قىزمەتى التى ايدا اتقارىلعان جۇمىس بويىنشا ەسەپ بەردى. سوڭعى التى ايدىڭ ىشىندە ەكونوميكالىق قىلمىستار بويىنشا مەملەكەتكە كەلگەن شىعىن 151,5 ميلليارد تەڭگەنى قۇرادى.

اتالعان قارجىنىڭ ءبارى الەۋمەتتىك باعدارلامالارعا ارنالعان بولاتىن. بۇل قارجى شامامەن 70 مەكتەپتى تۇرعىزۋعا، نەمەسە 40 اۋرۋحانانى سالىپ، ونى تولىعىمەن جابدىقتاۋعا جەتەدى. ال، شىمكەنتتىك شەنەۋنىكتەر بيۋدجەت اقشاسىن جىمقىرۋدىڭ تاعى ءبىر جولىن تاپتى.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى