قازاقستان الەمنىڭ 70 ەلىنە استىق جونەلتەدى
بۇل تۋرالى بۇگىن ورتالىق كوممۋنيكاتسيالار قىزمەتىندە ق ر اۋىل شارۋاشىلىعى مينيسترلىگىنىڭ دامۋ كورسەتكىشتەرىنە ارنالعان باسپا ءسوز ءماسليحاتىندا ق ر اۋىل شارۋاشىلىعى مينيسترلىگىنىڭ ستراتەگيالىق جوسپارلاۋ جانە تالداۋ دەپارتامەنتى ديرەكتورىنىڭ ورىنباسارى اسەل رامازانوۆا ءمالىم ەتتى.
«جالپى العاندا، اۋىل شارۋاشىلىعىنىڭ ءوندىرىس كولەمى 2015 -جىلى 3,3 تريلليون تەڭگەنى قۇرادى. بۇل 2001 -جىلمەن سالىستىرعاندا 6 ەسەگە ارتىق. الەمنىڭ 70-تەن اسا ەلىنە جىل سايىن 5-8 ملن. توننا استىقتى نارىققا شىعارىپ، قازاقستان استىق ءوندىرۋ بويىنشا ءىرى مەملەكەتكە اينالدى. جىل سايىن 2,5 ميلليون تونناعا دەيىن ۇندى ەكسپورتقا شىعارىپ، سوڭعى جىلدارى الەم بويىنشا كوشباسشى ورىنداردىڭ ءبىرىن يەمدەندىك»، - دەدى ءا. رامازانوۆا. سونداي-اق، ول اۋىل شارۋاشىلىعى سالاسىندا ءار كەزەڭنىڭ ەرەكشەلىگىنە قاراي شەشىمدەر قابىلدانىپ وتىراتىنىن، تيىسىنشە، قازىرگى تاڭدا الەمدىك تاجىريبەدە وڭ ناتيجەلەر كورسەتىپ وتىرعان امبەباپ تەتىكتەردى ىسكە قوسۋ ءۇشىن اگروونەركاسىپتىك كەشەندى دامىتۋدىڭ 2017-2021 -جىلدارعا ارنالعان مەملەكەتتىك باعدارلاماسىنىڭ قابىلدانعالى وتىرعانىن جانە دە ونىڭ بۇعان دەيىنگى سالالىق باعدارلامالاردىڭ زاڭدى جالعاسى ەكەندىگىن جەتكىزدى.
ونىڭ ايتۋىنشا، اتالعان مەملەكەتتىك باعدارلامانىڭ باستى ماقساتى - نارىققا قاجەتتى باسەكەگە قابىلەتتى ا و ك ونىمدەرىنىڭ ءوندىرىسىن قامتاماسىز ەتۋ. اتاپ ايتقاندا، ازىرلەنىپ جاتقان مەملەكەتتىك باعدارلامانىڭ نەگىزگى مىندەتتەرى مال شارۋاشىلىعىنىڭ تيىمدىلىگىن %58- عا، ال وسىمدىك شارۋاشىلىعىنىڭ تيىمدىلىگىن %40 عا ارتتىرۋ، تاۋارلى وندىرىسكە 670 مىڭ ۇساق ءوندىرۋشىنى تارتۋ جانە ونىمدەردى وتكىزۋ مەن وڭدەۋدىڭ پارمەندى جۇيەسىن قۇرۋ ءۇشىن اۋقىمدى اۋىل شارۋاشىلىعى كووپەراتسيالارىن دامىتۋ، ا ش ت ءو- نى بارىنشا قامتي وتىرىپ، مەملەكەتتىك قولداۋدىڭ تيىمدىلىگىن جانە قولجەتىمدىلىگىن قامتاماسىز ەتۋ، ماقساتقا باعىتتالعان ەكسپورتتىق ساياساتتى ىسكە اسىرۋ جانە ورگانيكالىق ءونىمنىڭ قازاقستاندىق برەندىن جىلجىتۋ، 600 مىڭ گا استام سۋارمالى جەردى اينالىمعا تارتۋ، ا و ك- نى مەملەكەتتىك رەتتەۋدى جەتىلدىرۋ سىندى تارماقتاردى قامتيدى.
«جالپى، وسىمدىك شارۋاشىلىعى سالاسىندا اۋىل شارۋاشىلىعى داقىلدارىن ءارتاراپتاندىرۋ بويىنشا جۇمىس جالعاستىرىلادى. ايتالىق، بيداي القاپتارىنىڭ ءبىر بولىگى اسا سۇرانىسقا يە داقىلدارمەن (مايلى داقىلدار، ارپا، جەمدىك جۇگەرى، قانت قىزىلشاسى، ازىقتىق داقىلدار) الماستىرىلادى. اۋىل شارۋاشىلىعى ءونىمىنىڭ ونىمدىلىگىن جوعارىلاتۋ ماقساتىندا جوعارى ساپالى تۇقىمداردى قولدانۋ جانە تىڭايتقىشتاردى ەنگىزۋ ءۇشىن مەملەكەتتىك قولداۋ كورسەتىلەدى. مال شارۋاشىلىعى سالاسىندا مال ازىعىمەن قامتاماسىز ەتۋدى جولعا قويۋ قاجەت.
وسىعان وراي، ەلدىك ازىقتىق تەڭگەرىم ازىرلەنىپ، ەنگىزىلەتىن بولادى، ازىقتىق داقىلداردىڭ الاڭدارى ۇلعايتىلادى، قۇراما جەمدەردى ءوندىرۋ جانە تۇتىنۋ ىنتالاندىرىلادى، سونداي- اق، جايىلىمداردى پايدالانۋدىڭ تيىمدىلىگىن جوعارىلاتۋ بويىنشا جۇمىس جۇرگىزىلەدى. سونىمەن قاتار، مەملەكەتتىك قولداۋ كورسەتۋ ارقىلى اسىل تۇقىمدى جانۋارلاردىڭ ۇلەسىن جوعارىلاتۋ بويىنشا شارالار قابىلدانادى»، - دەيدى ول.
سونىمەن قاتار، اوك سۋبەكتىلەرىنىڭ تەحنيكالىق جاراقتاندىرىلۋىن ارتتىرۋ ءۇشىن الىس شەتەلدەن قىمبات تەحنيكا مەن جابدىقتاردى ساتىپ الۋ ۇلەسىن تومەندەتۋ بويىنشا شارالار قابىلدانادى جانە دە اگروونەركاسىپتىك كەشەندى مەملەكەتتىك رەتتەۋدى جەتىلدىرۋ شەڭبەرىندە عىلىم مەن ءوندىرىس اراسىنداعى بايلانىستى قامتاماسىز ەتۋ بويىنشا ءىس- شارالار ىسكە اسىرىلاتىن بولادى.
ايتا كەتەيىك، اعىمداعى جىلعى 9 -قىركۇيەكتە ۇكىمەتتىڭ كەڭەيتىلگەن وتىرىسىندا مەملەكەت باسشىسى ۇكىمەتكە جىلدىڭ سوڭىنا دەيىن سۋ رەسۋرستارىن باسقارۋدىڭ مەملەكەتتىك باعدارلاماسىمەن بىرىكتىرۋ ارقىلى اگروونەركاسىپتىك كەشەندى دامىتۋدىڭ مەملەكەتتىك باعدارلاماسىن ازىرلەۋدى تاپسىرعان بولاتىن. بۇگىنگى تاڭدا اتالعان تاپسىرمانى ورىنداۋ اياسىندا باعدارلاما جوباسىن قوعامدىق تالقىلاۋدان وتكىزۋ، ساراپشى قاۋىمداستىقتان ۇسىنىستار جيناۋ جۇمىستارى جۇرگىزىلۋدە.
اۆتور: جاسۇلان جولدىبايەۆ
