قازاقستاندىقتار جىلىنا 70 ميلليون دوللاردان استام قارجىسىن كينوتەاترلاردا قالدىرادى

«جىلدان جىلعا پروكاتقا شىعارىلاتىن قازاقستاندىق فيلمدەردىڭ سانى ارتىپ كەلەدى. ورتاشا ەسەپپەن جىلىنا 12 وتاندىق كينو شىعارىلسا، ونىڭ جارتىسىنان استامى «قازاق فيلم» كينوستۋدياسىنا تيەسىلى. ەلدىڭ كينوپروكات نارىعىندا دا ءوسىم بار. جىلىنا 300 دەن استام رەليزدىڭ جيىنتىق كاسسالىق ءتۇسىم سوماسى 70 ميلليون ا ق ش دوللارىنان اسىپ تۇسەدى»، - دەيدى قازاقپارات تىلشىسىنە ەلىمىزدىڭ مادەنيەت جانە سپورت مينيسترلىگىنىڭ باسپا ءسوز قىزمەتىنەن.

دەگەنمەن، مينيسترلىك ەلىمىزدىڭ مادەنيەت سالاسىنداعى ماڭىزدى ستراتەگيالىق جوبالارى ۇلتتىق كينو ءوندىرىسىن دامىتۋ بولىپ وتىرعاندىعىن باسا اتاپ وتكەن. بۇگىنگى كۇنى «قازاق فيلم» حالىقارالىق ارت-حاۋس جانرىنان باستاپ كوممەرتسيالىق، پروكاتتىق جانە كورەرمەندەرگە ارنالعان ءتۇرلى جانرلارداعى جوبالاردى جۇزەگە اسىرۋدا.

ورتاشا ەسەپپەن العاندا «قازاق فيلم» جىل سايىن شامامەن 10 عا جۋىق كوركەم فيلم تۇسىرسە، ونىڭ 6-7 ءسى ۇلتتىق پروكاتقا شىعارىلادى. «سوڭعى جىلدارى قازاقستاندىق كينەماتوگرافيادا جاڭا فيلمدەردى شىعارۋ جانە كورەرمەندەر تاراپىنان قىزىعۋشىلىقتىڭ ارتۋى بايقالادى.

قازاقستانداعى پروكاتتاعى ۇلتتىق كينو ۇلەسى شامامەن 10 پايىزدى قۇرايدى. 2008-جىلى قازاقستاندىق كينو كورەرمەندەرىنىڭ سانى 4,5 پايىزدى قۇراسا، وتكەن جىلدىڭ قورىتىندىسىندا ونىڭ كولەمى 10 پايىزعا دەيىن ارتىپ وتىر»، - دەدى مينيسترلىكتەن.

ايتا كەتەرلىگى، 2008-2015-جىلدارى ارالىعىندا «قازاق فيلم» كينوستۋدياسى تۇسىرگەن 206 تۋىندى الەمنىڭ 52 ەلىندەگى 208 فەستيۆال مەن حالىقارالىق كورسەتىلىمدەرگە قاتىسقان بولاتىن.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى