الماتىدا زاڭسىز جۇمىس ىستەپ كەلگەن 70 كەلىمسەك ۇستالدى
بۇل تۋرالى قالالىق ءى ءى د باسپا ءسوز قىزمەتى حابارلادى.
42 وزبەك ازاماتى بوستاندىق اۋدانىنداعى تۇرعىن ءۇي كەشەنىنىڭ قۇرىلىسىندا جۇمىس ىستەپ كەلگەن. ال ولاردىڭ 30 وتانداسى الاتاۋ اۋدانىنداعى قۇرىلىس نىسانىندا ەڭبەك ەتىپ كەلگەن.
قۇقىق قورعاۋ ورگاندارىنىڭ وكىلدەرى قالاداعى بارلىق قۇرىلىس نىساندارىن، بازارلار مەن تاعام دايىنداۋ ورىندارىن تەكسەرىپ شىقتى.
سونداي-اق، ارزان جۇمىس كۇشىن تارتۋ ءۇشىن قازاقستان زاڭناماسىن بەلشەسىنەن باسىپ جۇرگەن وتانداستارىمىز دا جاۋاپقا تارتىلدى.
«وسى ەكى كۇن ارالىعىندا كوشى- قون تۋرالى زاڭدى بۇزعان 838 ادام جاۋاپكەرشىلىككە تارتىلدى. 181 شەتەلدىك ازاماتتىڭ قازاقستاندا تۇرۋ ۋاقىتى قىسقارتىلدى. 258 شەتەلدىك ازامات قالالىق ءى ءى د قابىلداۋ ورىندارىنا جەتكىزىلدى. سوت شەشىمىنە سايكەس 96 ازامات قازاقستان تەرريتورياسىنان شىعارىلدى»، - دەدى الماتى ءى ءى د وكىلى ايدىن بەلگىبايەۆ.
