قازاقستان پرەزيدەنتى ب ۇ ۇ باس اسسامبلەياسىنىڭ 70- سەسسياسىنا قاتىسادى دەپ كۇتىلۋدە

ب ۇ ۇ- دا قىركۇيەك سوڭىندا نيۋ-يوركتە وتەتىن جيىنعا جوعارى دەڭگەيدەگى دەلەگاتسيا قاتىسادى دەپ ۇمىتتەنەدى، دەپ مالىمدەدى ب ۇ ۇ باسشىسىنىڭ باسپا ءسوز حاتشىسى ستەفان ديۋجارريك.

«سەسسيا بارىسىندا ورنىقتى دامۋدىڭ جاڭا ماقساتتارى قابىلدانادى، كليماتتىڭ وزگەرۋ پروبلەمالارى تالقىلانادى. باس اسسامبلەياعا ريم پاپاسى دا كەلەدى دەپ كۇتىلۋدە. دەمەك سەسسيا ەرەكشە مازمۇنعا يە بولماق»، - دەپ ديۋجارريتىڭ ءسوزىن كەلتىردى ب ۇ ۇ رەسمي سايتى.

ب ۇ ۇ 70 جىلدىعىنا ارنالعان سەسسيا دەلەگاتتارىنىڭ الدىن الا تىزىمىندە ب ۇ ۇ مۇشە ەلدەردەن كەلەتىندەردىڭ باسىم بولىگى مەملەكەت، ۇكىمەت باسشىلارى. ر ي ا نوۆوستي حابارلاعانداي، قۇجاتقا سايكەس 90 عا جۋىق ەلدەن مەملەكەت باسشىلارى كەلەدى دەپ كۇتىلۋدە، ولاردىڭ ىشىندە - اۋعانستان، بەلارۋس، برازيليا، مىسىر، يزرايل، يران، يەمەن، قازاقستان، قىتاي، لاتۆيا، ليۆيا، نيدەرلاندى، پالەستينا، رەسەي، سەربيا، ا ق ش، ۋكراينا مەن فرانسيا بار.

س. ديۋجارريكتىڭ ايتۋىنشا، ءتىزىم ب ۇ ۇ جانىنداعى تۇراقتى وكىلدىكتەر بەرگەن اقپارات نەگىزىندە جاسالعان. «ەگەر تۇراقتى ميسسيا مەملەكەت باسشىلارىنا ورىن بەلگىلەسە، ءبىز ونى ەسكەرەمىز»، - دەپ حابارلادى ول.

ب ۇ ۇ باس اسسامبلەياسىنىڭ 70- سەسسياسى رەسمي تۇردە 15- قىركۇيەكتە باستالادى. 25-27- قىركۇيەكتە سامميت وتەدى، وندا 2015-جىل كەزەڭىندە ورنىقتى دامۋ سالاسىنداعى جاھاندىق ماقساتتار قابىلدانۋى ءتيىس. ولار 2000-جىلى قابىلدانعان مىڭجىلدىق دامۋ ماقساتىن اۋىستىرۋعا جينالادى. 28- قىركۇيەكتە جالپى ساياسي پىكىرتالاس اشىلادى، وندا بارلىق ب ۇ ۇ- عا مۇشە 193 مەملەكەتتىڭ وكىلدەرى ءسوز سويلەيدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى