استانا كۇنى مەن جەڭىستىڭ 70 جىلدىعىنا ورايلاستىرىلعان ات جارىستىڭ جەڭىمپازدارى انىقتالدى - اقمولا وبلىسى - فوتو

 كوكشەتاۋدىڭ ىرگەسىندەگى كراسنويار اتشابارىندا ۇيىمداستىرىلعان باسەكەگە ەلىمىزدىڭ ءار وڭىرىنەن كەلگەن سايگۇلىكتەر مەن شاباندوزدار قاتىستى.

جارىس ەرەجەسىنە ساي شاباندوزدار 1200 جانە 1800 مەتر، قۇنان بايگە (7 مىڭ مەتر)، توق بايگە (15 مىڭ مەتر) جانە الامان بايگەدە (20 مىڭ مەتر) باقتارىن سىنىپ كوردى.

ەڭ قىزىعى الامان بايگە بولدى. مۇنداعى 20 مىڭ مەتر قاشىقتىققا بارلىعى 17 سايگۇلىك قاتىستى. ولاردىڭ ىشىندە استانالىق مۇقتارحان سەرعازيەۆ «براتيشكا» اتتى كۇرەڭ ايعىرىمەن جۇلدەلى 3-ورىننان كورىنسە، اقمولالىق ماقسات توكەنوۆ «ۇلىتاۋ» اتتى ايعىرىمەن 2- بولىپ كەلدى. ال، باس جۇلدەنى الماتى وبلىسى قاراساي اۋدانىنان كەلگەن شەرمامات بوپەكباي «بۇركىت» اتتى كۇرەڭ ايعىرىمەن جەڭىپ الىپ، تەمىر تۇلپار ءمىندى. سونداي-اق، قۇنان جانە توق بايگە جەڭىمپازدارىنا دا ءبىر-ءبىر اۆتوكولىكتەردەن بەرىلگەنىن ايتا كەتكەن ءجون.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى