ۇلى جەڭىسكە 70 جىل: ورالدا «اتالاردىڭ ەرلىگىن جىر ەتەم كەلەر ۇرپاققا» اتتى بايقاۋ جەڭىمپازدارى انىقتالدى

ب ق و مادەنيەت، مۇراعاتتار جانە قۇجاتتاما باسقارماسىنان تۇسكەن مالىمەتكە قاراعاندا، ح. ەسەنجانوۆ اتىنداعى وبلىستىق بالالار مەن جاسوسپىرىمدەر كىتاپحاناسى ۇيىمداستىرعان بايقاۋ 2014-جىلعى 15- جەلتوقسان مەن بيىلعى 15- اقپان ارالىعىن قامتىدى. ونىڭ ماقساتى - جەتكىنشەكتەردى ۇلى وتان سوعىسى تۋرالى پوەزيالىق جانە پروزالىق شىعارمالاردى وقۋعا تارتۋ ارقىلى ءوز وتانىن سۇيۋگە، تۋعان ەلى مەن جەرىنە ادال بولۋعا تاربيەلەۋ، وسى باعىتتاعى كىتاپحانالار جۇمىسىن جانداندىرۋ، وقىرمانداردىڭ تانىمدىق بەلسەندىلىگىن كوتەرىپ، شىعارماشىلىق قابىلەتتەرىن شىڭداۋ. ۇزدىك جۇمىستار قولجازبا كىتاپتى جاساۋ تالاپتارىنا ساي بولۋى ءتيىس ەدى، ياعني كىتاپتار ۇلى وتان سوعىسىنداعى اتالار ەرلىگى تۋرالى جازىلدى. قولجازبا كىتاپ قولمەن جازىلعان ماتىننەن جانە يلليۋستراتسيادان تۇردى.

بايقاۋعا وبلىستىڭ بارلىق ون ەكى اۋدانىنان جانە ورال قالاسىنان 330 دان استام جۇمىس جينالىپ، قازىلار القاسىنىڭ شەشىمىمەن سونىڭ 78 ءى ۇزدىك دەپ تانىلدى. سايىس جەڭىمپازدارى جاس ەرەكشەلىكتەرىنە قاراي جۇلدەلى ورىنداردى يەلەنىپ، ديپلومدارمەن، باعالى سىيلىقتارمەن ماراپاتتالدى. اتاپ ايتقاندا، 1-4 سىنىپ اراسىندا ورال قالاسىنداعى 12№ مەكتەپتەن ەلداۋلەت ناسيبۋللين وزىق شىقسا، 5-7 سىنىپتاردان ورالداعى 20№ ورتا مەكتەپتەن ءاليحان باقىتجان، 8-10 سىنىپتاردان ورالداعى دارىندى بالالارعا ارنالعان 8№ ورتا مەكتەپتەن الىشەر قۋانشاليەۆ ءبىرىنشى ورىندى يەلەندى. توپتىق جۇمىستار بويىنشا ورال قالاسىنداعى 23№ ورتا مەكتەپ وقۋشىلارى ۇزدىك اتاندى. جۇلدەگەرلەردەن باسقا «مەنىڭ اتام - باتىر، «ۇلى ەرلىككە تاعزىم»، «كوركەم بەزەندىرۋ» اتالىمدارىنىڭ يەگەرلەرىنە ديپلومدار، بالالار جەتەكشىلەرىنە العىسحاتتار تابىس ەتىلدى.

بايقاۋ قورىتىندىسى بويىنشا بۋكلەت- البوم، DVD- ديسك دايىندالىپ، بالالارعا تابىستالدى. شارا بارىسىندا وبلىستىق قازاق دراما تەاترىنا جينالعان جۇرتشىلىق ۇلى جەڭىسكە ارنالعان مەرەكەلىك باعدارلامانى دا تاماشالادى.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى