ۇلى جەڭىسكە 70 جىل: جاۋدىڭ قاتارىنان ءۇش شابۋىلىن تويتارىپ، تورتىنشىسىندە كوزىن جويعان اقمولالىق باتىر

1944-جىلدىڭ 24- ناۋرىزىنان باستاپ ۇلى وتان سوعىسىنىڭ قيىن-قىستاۋ كۇندەرىن باستان وتكەردى. 3- ۋكراين جانە 1- بەلارۋس مايداندارىندا ۋكراينانى، مولداۆيانى، پولشانى ازات ەتىپ، گەرمانياداعى ۇرىستارعا قاتىستى. ول 5- ەكپىندى ارميانىڭ 60- گۆارديالىق اتقىشتار ديۆيزياسىنىڭ پۋلەمەت راسچەتىنە باسشىلىق جاسادى.

سوعىستىڭ اياقتالار شەگىندە، اتاپ ايتساق، 1945-جىلدىڭ ءساۋىر، مامىر ايلارىندا بەرليندى الۋ وپەراتسياسى كەزىندە ەرەكشە كوزگە ءتۇستى. وسىنداي ۇرىستاردىڭ بىرىندە ولارعا كورشى ورنالاسقان كەڭەس اسكەري بولىمدەرى كەيىن شەگىنگەن ەدى. مۇنى بايقاپ قالعان جاۋ اسكەرى بۇلاردىڭ تىلىنا ءوتىپ كەتىپ، قورشاماق بولادى. ۆاسيلي بوۆت ءوزىنىڭ پۋلەمەتىمەن جاۋدىڭ ءۇش شابۋىلىن قايتارادى. ال، نەمىس اسكەرلەرى ءتورتىنشى رەت باس كوتەرگەن كەزدە، ولاردى وزىنە جاقىنداتىپ الىپ گراناتامەن كوزدەرىن جويعان ەدى. وسىلاي ول ءوزىنىڭ اسكەري شەبىن جاۋعا بەرمەي ۇستاپ قالدى.

ەرجۇرەك جاۋىنگەردىڭ بۇل ەرلىگى ەسكەرۋسىز قالعان جوق. ك س ر و جوعارعى كەڭەسى پرەزيديۋمىنىڭ 1946-جىلعى 15- مامىرداعى جارلىعىمەن گۆارديا سەرجانتى ۆاسيلي بوۆتقا كەڭەس وداعىنىڭ باتىرى اتاعى بەرىلدى.

ۆ. بوۆت سوعىس اياقتالعاننان كەيىن اسكەردەن بوساپ، داعىستان ا س س ر- ءىنىڭ كيزليار قالاسىنا تۇراقتاپ، جۇمىس ىستەدى. 1949-جىلدىڭ 28- قازانىندا باتىر ومىردەن وزدى. ول كيزليار قالاسىندا جەرلەنگەن.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى